1 Timotiu 2:7 - ꞌRe Ihâimana Uꞌâsi Mono Zadawa Wasuꞌu

⁷ Ta hã ma tô ĩpisutu, isadawa wasu'u'wa 're ĩhâimana mono da, zudeu'õ norĩ hã te 're po're pu'u za'ra mono da, isadawa para, Wanhib'apito wasu'uwẽ na. E marĩ da. Wanhib'apito hã te te 're saze za'ra mono da, duré te te ãma 're sasõmri za'ra mono da, isimiroti zarina si 're nomro wẽ mono da, tô sena uptabi wa, isimiroti hã. Ĩzadawa nhipese na aima ĩsiwasu'u õ di. Tô sena wa tô aima 're ĩsiwasu'u.

1 Timotiu 2:7 ပူးပေါင်းရင်းမြစ်များ

Zuwã 7:35

Tahawa, te sima nharĩ za'ra, dama ipire norĩ hã, ãne: — E momo te za merẽ mo, wa te wasiwi sãmri tõ da hã. E darob amoi u te za mo, wasiré zudeu norĩ u gregu norĩ 'rata, 're isi'ubumroi mono norĩ u. E tamomo te za oto mo, gregu norĩ rob ãma te te 're rowahutu mono da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 14:27

Ãtioquia u apâ simasisi zahuré wamhã, ma tô isazei'wa norĩ zô tihârâ zahuré, te te itẽme ubumro da. Tahawa, ma tô dama siwasu'u zahuré, 'Re ihâimana u'âsi mono nhimipawaptobzém na. Ãne te tãma rowasu'u za'ra: — 'Re ihâimana u'âsi mono, ma tô wapawapto, marĩ iwẽ hã wa te dama 're 'manharĩ mono da, iwasu'uwẽ hã wa te dama ãwisi da, zudeu'õ norĩ ma zama. Tawamhã ta norĩ zama ma tô te te 're sazei pese za'ra.

Zezusihi zadawa wasuꞌuꞌwa norĩ nhimiromhuri na robꞌuiꞌéré 22:21

— Ãne na Wanhib'apito ma, ĩsiwasu'u wamhã, ma tô ĩma rob'ru, ãne: “Mo oto aimorĩ. Zudeu'õ norĩ tẽme, wa za asatõ, romhâ na.”

Zezusihi zadawa wasuꞌuꞌwa norĩ nhimiromhuri na robꞌuiꞌéré 26:20

Damascu ãma uimrehẽne wa tô Zezusihi zadawa wasu'u na hã dama ãma sãna'rata. Taha parip si, Zeruzalẽ ãma wa tô duré dama ãma rowasu'u. Taha parip si, wa tô duré Zudéa ãma dama sadawa wasu'u, zudeu norĩ ma, zudeu'õ norĩ ma zama. Ta norĩ hã tiwasédé hã te te 're rẽme za'ra mono da, duré 'Re ihâimana u'âsi mono niwĩ 're nomro wẽ mono da, wa tô te tãma ãma 're rowasu'u za'ra, tô sena tiwasété wi 're isipizari za'ra mono na, da te 're waihu'u za'ra mono da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 9:15

Tawamhã Wanhib'apito te asa tãma tinha, ãne: — Mo oto itẽme aimorĩ. Õ hã, Saulu hã wa tô ĩsima pisutu, ĩzadawa wasu'u'wa da. Zudeu'õ norĩ ma, te za te te 're ĩzadawa wasu'u, duré dama roti'wa norĩ ma, duré Izaraéu nhihudu norĩ ma zama.

Roma 1:9

Wa hã 're ĩsihâiba zawi mono ãna, wa 'Re ihâimana u'âsi mono ma, te 're romhuri u'âsi, i'ra wasu'uwẽ hã te dama 're iwasu'u mono zém na hã. Wa ai'ãma 're ĩsipo're pu'u u'âsi za'ra wa'wa. Wa duré ai'ãma 're ĩmreme u'âsi za'ra wa'wa, 'Re ihâimana u'âsi mono ma. Tô sena, wa ãne na aima rowasu'u za'ra wa'wa, 'Re ihâimana u'âsi mono ma, ãne hã tãma waihu'u pese uptabi wa. Taha wi si, wa nasi ĩsima rowaptẽrẽ u'âsi ãhã na hã, te te sima iwẽzéb uwaibaba te te ĩma ãma uwaimrami da, ãma atẽme ĩmorĩ za'ra wa'aba da hã.

Roma 10:14

E niha te za tawamhã da te tiwi 're waptẽrẽ za'ra, te te 're da'apawapto mono da hã, Cristu, da te dasina 're umnhasi za'ra mono õ nherẽ. Ãne wamhã, dama waihu'u õ di. Duré Zezusihi wasu'uwẽ hã dapo're na da te 're wapari za'ra mono õ ré hã, e niha te za da te dasina 're umnhasi za'ra, Zezusi hã. Da te dasina 're umnhasi waihu'u za'ra mono õ di. E niha te za duré Zezusihi wasu'uwẽ na, da te 're dapawaptob za'ra mono õ nherẽ, da te 're wapari za'ra. Dama waihu'u õ di.

Roma 11:13

Zudeu'õ norĩ, wa za oto aima ĩsiwasu'u za'ra wa'wa. Wa hã Cristuhu zadawa wasu'u'wa, wa aima 're ĩhâimana za'ra wa'wa. Wa hã te aima 're iromhuri za'ra wa'aba mono zé hã, taréi hãi õ di. Tahawa, wa za tô ĩnhimi'ẽ na te aima 're romhuri u'âsi za'ra wa'wa.

Roma 9:1

Tô sena, wa za aima rowasu'u za'ra wa'wa. Wa hã Cristuhu te, 're ĩmorĩ wa, 're ĩzadawa nhipese mono õ di. 'Re ihâimana u'âsi mono pẽ'ẽzani te te ĩma iwaihu'uzéb zarina, duré 'râwi ĩpẽ'ẽ na te ĩsi'ãma 're irosa'rata mono zéb zarina, wa tô waihu'u, dama 're ĩzadawa nhipese mono õ na hã.

1 Corĩtu 9:1

Ni'wam norĩ hã ma tô te te ĩ'ãma 're rosa'rata za'ra, Zezusihi zadawa wasu'u'wa, sena na dama 're ĩhâimana mono õ na hã. Tane nherẽ, a norĩ wa'wa hã ma tô ĩ'ãma iwaihu'u za'ra wa'wa, sena na isadawa wasu'u'wa na 're ĩhâimana mono zém na hã. Wa hã danhimiroti zarina, 're ĩhâimana mono õ di. 'Re ihâimana u'âsi mono si, ma tô ĩpisutu, Zezusihi zadawa wasu'u'wa na dama 're ĩhâimana mono zéb da hã, isadawa para. Wanhib'apito Zezusi hã wa tô duré 'madâ, ĩtõmo na. A norĩ wa'wa hã bété. E 'wa simiroti zarina, ma tô 're isaze za'ra wa'aba mo. Wanhib'apito ma, te ai'ãma 're iromhuri za'ra wa'aba mono zéb zarina, ma tô 're isaze za'ra wa'aba mo. Tawamhã e marĩ te wasu'u, ã hã, Zezusi hã te aima 're iwasu'u za'ra wa'aba mono zéb zarina, 're isaze za'ra wa'aba mono zé hã. 'Re ihâimana u'âsi mono nhimipisutuzéb zarina, wa hã tô sena dama Zezusihi zadawa wasu'u'wa, te aima ĩwasu'u za'ra wa'wa.

2 Corĩtu 11:31

'Re ihâimana u'âsi mono hã, Wanhib'apito Zezusihi mama hã, taha ma si ĩwaihu'u pese di, ĩzadawa nhipese ãna aima ĩsiwasu'u za'ra wa'aba zém na hã za. Taha ãma si, wa za 're wawata u'âsi za'ra, wa norĩ hã.

Galata 1:20

Tô sena, wa rob'ui'éré na nherẽ ãma aima rowasu'u za'ra wa'wa, 'Re ihâimana u'âsi mono nho'a.

Galata 2:16

Wa norĩ hã wa tô oto marĩ hã waihu'u ni, 'Re ihâimana u'âsi mono te te 're ida'awẽsãmri mono zém na hã. Zezu Cristu, Danho'reptui'wa na da te dasina 're umnhasi za'ra mono wamhã, 'Re ihâimana u'âsi mono, dawasédé hã te te da'ãma 're i'ab'madâ'â mono õ zéb zarina, te oto te te 're da'awẽsãmri. Taha zarina, dawasété 'ru te, te te dahâ za'ra õ di za, rob'rãsutuzéb ãma hã. Isimiroti na Mozési te te irob'ui'éré 'rata zarina, da te 're rob'manharĩ za'ra mono nherẽ, taha zarina te te dama 're apari mono õ di za, dawasédé hã. Ãne na wa tô oto waihu'u ni, wa norĩ hã.

Galata 2:9

Tahawa, ma tô oto Tiagu norĩ hã ĩ'ãma waihu'u za'ra, tãma ĩzawi pese wa, 'Re ihâimana u'âsi mono te te sima ĩpisutuzém na hã. Õ norĩ hã isimiroti pire na ma tô Wanhib'apito zazei'wa norĩ hã ãma waihu'u za'ra, Tiagu hã, Pedru hã, duré Zuwã. Tawamhã ta norĩ hã 'Re ihâimana u'âsi mono te te ĩpisutuzém na te te ĩ'ãma waihu'u za'ra wa, ma tô tinhib'rata na siwi wazawi za'ra, Banabéhé me. Wama wẽ za'ra di, wa norĩ hã zudeu'õ norĩ u si 're waneb da, Cristuhu wasu'uwẽ na, wa te tãma 're romhuri za'ra mono da. Duré wama wẽ za'ra di, Tiagu norĩ si, tisiré zudeu norĩ u si 're inomro mono da hã, Pedru norĩ me. Ãne na wa tô wanhimirosa'rata na wasisaze za'ra ni.

Galata 3:9

Abra'ã hã ma tô 'Re ihâimana u'âsi mono hã te te sina 're sazei pese, te te tãma iropisutuzém na. Tahawa, rowẽ te te tãma ipisutuzéb zarina, ma tô rowẽ uptabi na 're hâimana. Tane duré Cristu Danho'reptui'wa na, da te dasina 're saze za'ra mono wamhã, Abra'ãhã ma te te ipisutu ne, te za dama 're irowẽ za'ra mono zéb da hã te te dama 're apisutu, 'Re ihâimana u'âsi mono hã.

2 Timotiu 1:11

Taha wasu'uwẽ na te 're da'apo're pu'u mono da, ma tô 'Re ihâimana u'âsi mono hã ĩpisutu, Wanhib'apito zadawa wasu'u'wa 're ĩmorĩ da, isimiroti na te 're da'apawapto mono da.

2 Pedru 2:5

Duréi uptabi hã 'Re ihâimana u'âsi mono tinhimihâzé hã te te dama ba'a õ di, ti'ai ãma 're idahâimana za'ra mono norĩ ma. Â ma, ma tô tinha, â pusi mono da, â na te te da'uprosi da, 're dahâimana wasété za'ra mono wa. Nowé norĩ si ma tô sõ'reptu za'ra, 7 na ihâiba za'ra norĩ me. Nowé hã te te aré dama 're roti u'âsi, 're dahâimana wẽ za'ra mono da, 'Re ihâimana u'âsi mono nhimiroti na.