1 Samuéu 9:6 - ꞌRe Ihâimana Uꞌâsi Mono Zadawa Wasuꞌu

⁶ Tawamhã romhuri'wa ma tô ãma tãma wa'rã ãne: — A'âza pé. Ã hã 'ri nho'õmo ãma hã te aibâ hã 're sãmra, 'Re ihâimana u'âsi mono ãma si 're imorĩ hã. Ta hã dama iwazéb za'ẽne, uburé marĩ na te te 're inharĩ mono zéb zarina, marĩ hã 're hâimana mono wa. Tahawa, oto itẽme wane na, wa te tãma wasu'u da. Tawamhã ãté ta hã te za wama wasu'u za awaru po'repore sipi'õ norĩ za wa te isõpẽtẽzéb da hã.

1 Samuéu 9:6 ပူးပေါင်းရင်းမြစ်များ

Zenezi 24:42

— Tawamhã ãhã na â zô ab're u ĩwisi wamhã, wa tô 'Re ihâimana u'âsi mono ma, ãne tãma mre: “Uburé Danhib'apito, ĩnhib'apito Abra'ãhã te, 'Re ihâimana u'âsi mono, wa aiwi waptẽ, we ĩpawaptobzéb zarina i'uwaibaba na si marĩ te 'manharĩ da hã.

Mateu 24:35

Nimahã na te za hâiwa norĩ hã ai'utõrĩ zahuré, ti'ai me. Si'utõrĩ zahuré nherẽ, ĩnhimirowasu'u hã si'utõrĩ waihu'u õ di za. Pire na te za dama 're hâimana u'âsi.

1 Tesalonita 2:10

A norĩ wa'wa hã ma tô iwawaihu'u za'ra wa'wa, asõ'a za'ra wa'aba, 're iwanomro mono zé hã. 'Re ihâimana u'âsi mono hã ma tô duré wawaihu'u za'ra, 're iwanomro wẽ mono zém na hã. Wawasédé hã wa te 'manharĩ za'ra õ di. Iwẽ na si wa tô wahâimana za'ra ni, asõ'a za'ra wa'aba. 'Re ihâimana u'âsi mono nhimiroti na hã duré ãma wasipa za'ra õ di. Ãne ãma 're iwanomro mono zé hã, tô ibâ na si.

1 Tesalonita 5:13

Ta norĩ hã te te aima 're romhuri pese za'ra wa'aba mono wa, te za 're iwazéb za'ra wa'aba mo. Te za duré 're isawi pese za'ra wa'aba mo. Asima 're aimreme wasété za'ra wa'aba mono ãna, te za asiré 're aihâimana za'ra wa'aba mo, rowẽ na si.

1 Timotiu 6:11

A hã 'Re ihâimana u'âsi mono ma romhuri'wa. Tahawa, ta norĩ ne 're aimorĩ õ di za. Te za 're aihâimana wẽ u'âsi mo, 'Re ihâimana u'âsi mono nhimiroti zarina si. Õhõ si te za 're i'madâ'â pese mo, 'Re ihâimana u'âsi mono si, ai'ãma 're siwãrĩ u'âsi mono da. Te za duré 're ida'azawi pese mo. Rowasédé hã taré da te aima 're 'manharĩ za'ra mono nherẽ, asiptete sina te za Wanhib'apito ãma 're aimorĩ u'â. Atoi u'âsi te za duré 're aimo. Taha na si 're aimorĩ da, te za asina 're i'madâ'â u'âsi mo.

1 Samuéu 2:27

Tawamhã 'Re ihâimana u'âsi mono zadawa 'mahârâ'wa hã te Erihi u mo, te te tãma sadawa wasu'u da, 'Re ihâimana u'âsi mono hã ãne: — Aihi'rada Arãhã ma, wa tô wa hã ĩsihâi'ré, Ezitu na romnhisi ãma pawa'âbâ ãna te te dama 're romhuri mono ré hã, timro me duré ti'ra norĩ me.

1 Samuéu 9:8

Tawamhã romhuri'wa hã ma tô ãma tãma wa'rã ãne: — Ĩte iré hã surure na ẽtẽ waipo prã prata hã za te tãma sõmri wa, te te wama iwasu'uzéb da hã, awaru po'repore isimasabzé hã.