1 Samuéu 9:4 - ꞌRe Ihâimana Uꞌâsi Mono Zadawa Wasuꞌu

⁴ Tawamhã ãne imama te te tãma waihu'u wa, ma tô oto tineb zahuré Sau norĩ hã uburé te te sô rowaimrami zahuré mono da, Efraĩ nhihudu norĩ nhipti'a na ẽtẽ 'ratamhã, duré Sarisa na romnhisi ãma ti'a na. Tane nherẽ, te te anhopẽtẽ zahuré õ di, awaru po'repore sipi'õ hã. Tahawa, ma tô sô rĩtĩ zahuré, Sa'arĩhĩ na romnhisi ãma. Tane nherẽ, tamemhã duré robaba di. Tawamhã Bẽzamihĩ nhihudu norĩ nhipti'a na ma tô duré sô rĩtĩ zahuré. Tane nherẽ, tamemhã te te duré anhopẽtẽ zahuré õ di, taré ma ro ãma wazere zahuré.

1 Samuéu 9:4 ပူးပေါင်းရင်းမြစ်များ

Zenezi 33:18

Ãne ma tô Zaco hã Mezopotãmia hawimhã wi. Tahawa, rowẽ na ma tô wi, Siquẽ na 'ri nho'õmo nhisi u, Cana'ã na romnhisi ãmamhã. Tamomo wisi wamhã, ma tô 'ri nho'õmo 'rata sima te te 'ri nhoré.

Zuwã 3:23

Zuwã Batista hã te duré te te dama 're ab'manharĩ â dawabzuri hã, wanhiti. Sarĩ na 'ri nhisi 'rata â hã, te isa'ẽne hã 're hâimana. Tahawa, te tame a'â nhamra, Eno na â nhisi 'rata, Zuwã Batista hã. Tawamhã te nasi itẽme dasito, â dawabzuri hã te te dama ab'manharĩ da. Zahadu Zuwã hã danhib'apito te te 'rui õ di, da te dasiwi sẽrẽ da, dazazéb 're. Tahawa, te zahadu te te dama 're ab'manharĩ.

Zozué 24:33

Tawamhã Arãhã 'ra Eriaza zama dâ'â wamhã, ma tô duré Zibea na 'ri nho'õmo nhisi ãma siwi ãma ti'a, Efraĩhĩ niwĩ ẽne hã ihâimana ãma, i'ra Finezaha ma, da te isõmri wa.

Zuize 17:1

Tawamhã Mica na aibâ nhisi hã te 're hâimana, Efraĩ ti'ai ãma ẽne 're ihâimana mono ãma.

Zuize 19:1

Tawamhã taha wahu mono na Izaraéu nhihudu norĩ si'apito ãna hã te 're hâimana za'ra. Tahawa, te nimahã levita si'aibâ romhâ na Efraĩhĩ te ti'ai ãma ẽne 're ihâimana mono niwĩmhã 're sãmra. Ta hã ma tô Belẽ hawimhã, Zuda na rowamri hawimhã imro prã za tãma 're ihâimana mono da hã sima 'mai'ãwisi.

1 Samuéu 1:1

Tawamhã aibâ te 're 'maihâimana, Efraĩhĩ nhihudu, Eucana na isisi 'ri nho'u Rama na isisi ãma 're ihâimana mono, Efraĩhĩ nhihudu norĩ nhipti'ai 'rã nho'õmo ãma hã, ẽtẽ 'rãihâ si 're iromhâimana mono ãma. Ta hã Zero'ãhã 'ra, Eri'uhu nhihudu, To'uhu 'ra nhihudu, duré Zupihi 'ra nhihudu 'ra.

1 Samuéu 9:3

Tawamhã awaru po'repore sipi'õ, Quisi Sauhu mama te hã ma tô aimani za'ra. Tahawa, te Sauhu ma tinha ãne, imama hã: — Ĩ'ra, ma'ãpé ãma asiré saprõni, wama romhuri'wa hã, taha me sô airĩtĩ aba mono da, awaru po'repore sipi'õ isimani za'ra zô.