1 Samuéu 9:21 - ꞌRe Ihâimana Uꞌâsi Mono Zadawa Wasuꞌu

²¹ Tawamhã Sau ma tô ãma tãma wa'rã ãne: — Wa hã Bẽzamihĩ nhihudu. Bẽzamihĩ nhihudu norĩ nhipti'a hã, uburé Izaraéu nhihudu norĩ nhipti'ai ma surure di. Duré tô ĩmama norĩ hã tisiré Bẽzamihĩ nhihudu norĩ ma iwapure. Tawamhã e marĩ da, te ãne na hã ãma ĩma inha.

1 Samuéu 9:21 ပူးပေါင်းရင်းမြစ်များ

Luca 14:11

Tane, ni'wa hã pire wẽ te, 'râwi sina 're wata mono wamhã, 'Re ihâimana u'âsi mono, te za tãma pisutu, wapu na 're hâimana mono da oto. Duré ni'wa hã, tipire na 'râwi 're si'madâ'â mono õ wamhã, te za tãma pisutu, dama pire na 're hâimana mono da oto.

Éfézu 3:8

Ĩwana isazei'wa norĩ hã ĩwẽ na te sipa za'ra õ di. Ta norĩ si ma tô tiwẽ na ĩnhipa za'ra. Tane nherẽ, ma tô ĩpisutu, zudeu'õ norĩ ma te tãma 're wasu'u za'ra mono da, iwẽ hã sa'ẽtẽ na Cristuhu ma 're ihâimana mono hã dama ãma 're isõpru mono zéb da hã.

1 Samuéu 10:27

Tane nherẽ, te ni'wam norĩ hã 're ihâimana wasété za'ra mono hã nharĩ za'ra ãne: — E niha te za õ hã aibâ hã merẽ wa'anho'reptu. Tawamhã ta norĩ hã ma tô siwi wẽ'õ pese, Sau hã. Tahawa, tinhoprub za'ra zé hã te te tãma sõmri za'ra õ di. Tane nherẽ, Sau hã te ari'iwi tihâiba, te te nharĩ õ pese na.

1 Samuéu 14:51

Quisi hã Sauhu mama, duré Ne hã Abinehe mama, ta norĩ hã Abi'éhé 'ra zahuré.

1 Samuéu 15:17

Tawamhã Samuéu te tãma tinha ãne: — Oro a hã Izaraéu nhihudu norĩ nhib'ihâ'a na aihâimana za hã te taré ne hã asi'ãma irosa'ra. Tane nherẽ, a hã Wanhib'apito 'Re ihâimana u'âsi mono hã ma tô ai'rãti'i, Izaraéu nhihudu norĩ nhib'apito na 're aihâimana mono da.

1 Samuéu 18:18

Tawamhã Dawi ma tô ãma tãma wa'rã ãne: — Pra! E 'wa hã wa hã, apito sa'õmo na 're ĩhâimana mono da hã. Duré e 'wam norĩ ĩmama norĩ Izaraéu nhihudu norĩ nhipti'ai 'remhã, wa hã apito sa'õmo na 're ĩhâimana mono da hã. Tarére hã wa hã.

1 Samuéu 18:23

Tawamhã ãne te te tãma rowasu'u za'ra wa, ma te Dawi hã ãma tãma wa'rãmi za'ra ãne: — E wapu bâ, apito sa'õmo na 're ĩhâimana mono da hã pire di. Wa hã tarére hã, aibâ ĩnhimarĩ ãna 're ĩhâimana mono.

1 Samuéu 9:22

Tawamhã ãne na tãma siwasu'u wa, te oto Samuéu hã saprõni zahuré Sau norĩ hã, tite romhuri'wai me, 're idasaihuri mono zéb u. Tawamhã ma tô tãma nharĩ zahuré simasisi da, dasimasisizé ipire ãmamhã, dame sa zahuré da, 30 na dahâiba na sô idahãsi norĩ siré.