1 Samuéu 9:20 - ꞌRe Ihâimana Uꞌâsi Mono Zadawa Wasuꞌu

²⁰ Aihâtâ'â aba tõ awaru po'repore sipi'õ isimani za'ra ãmamhã, si'ubdatõ bâdâ ãma ineb za'ra na hã. E marĩ wa. Ma tô sõpẽtẽ za'ra ni. Tazahã e 'wa hã ma tô bété Izaraéu nhihudu norĩ hã sima wẽ za'ra. A hã ma tô sima aiwẽ za'ra. Duré aimama hawi a'uwẽ norĩ zama te tô sima aiwẽ zahi za'ra.

1 Samuéu 9:20 ပူးပေါင်းရင်းမြစ်များ

Colosu 3:2

Hâiwa ãma uburé marĩ iwẽ uptabi na 're ihâimana za'ra mono na si, te za asima ãma 're irosa'rata u'âsi za'ra wa'aba mo. Ãme ti'ai ãma uburé marĩ 're ihâimana za'ra mono na asima 're rosa'rata za'ra wa'aba mono õ di za oto.

1 Samuéu 10:16

— Ma tô wama wasu'u ãne: Ma tô u siwi sõpẽtẽ, awaru po'repore norĩ hã. — Ãne Sau te tãma rowasu'u, timama amoi ma hã. Tane nherẽ, uburé hã te te tãma rowasu'u õ di, Samuéu te te tãma inharĩzém na hã za isi'apitozém na Izaraéu nhihudu norĩ ma.

1 Samuéu 12:13

— Tahawa, ãhãta apito asiwi ipisutu za'ra wa'wa hã. Ma tô asiwi iwaptẽrẽ za'ra wa'wa. Tahawa, Wanhib'apito 'Re ihâimana u'âsi mono ma tô ã hã apito aima sõmri za'ra wa'wa.

1 Samuéu 12:15

Tane nherẽ, Wanhib'apito mreme 're wapari za'ra wa'aba mono õ wamhã, duré isimiroti hã asiwi 're wẽ'õ za'ra wa'aba mono wamhã, õ hã te za asada 're hâimana za'ra wa'wa, asib'apito za'ra wa'aba da zama.

1 Samuéu 4:20

Tahawa, oto idâ'â da si, Finezaha mro hã. Tahawa, pi'õ ai'uté te te isapari za'ra norĩ hã te ãne tãma nharĩ za'ra: — Ma'ãpé asiptete! Ai'uté ma aima podo, 'watébrémi na. Tane nherẽ, imreme za'ra zô hã sipi'rai õ di. Duré te te sada'âbâ za'ra õ di ãma.

1 Samuéu 8:19

Tane nherẽ, te te ãma saze za'ra õ di Izaraéu nhihudu norĩ hã ãne na Samuéu te te ãma ipo're pu'u za'ra zém na hã. Tahawa, ma tô ãne tãma nharĩ za'ra, iwa'rãmi: — Mare di. Apito si wa tô wasima wẽ za'ra ni.

1 Samuéu 8:5

Itẽme sihutu wamhã, te ãne tãma nharĩ za'ra: — A hã ma tô aihâiba prédu pe oto. Duré ai'ra norĩ hã aihâimanazém na 're hâimana zahuré mono õ di. Tahawa, te za a hã wama i'maipisutu za'ra, wama isi'apito da hã, te te 're wa'a'madâ'â mono da, ti'ai wa'õtõ nho'õmo amoi ãma apito da te 're iséme mono ne.

1 Samuéu 9:19

Tawamhã Samuéu ma asa ãma sada'â ãne: — Wa hã ĩnhotõ 'rowim ne marĩ 'madâ'â'wa. Mo oto ĩnhowa ane wa'aba, 'Re ihâimana u'âsi mono ãma 're idawata za'ra mono zéb u. Ãhã na a norĩ wa'wa hã te za ĩme asai wa'wa, ã mara na hã. Duré awẽ mararé si wa za ãma asada'âbâ 'wa, uburé ĩzadanharĩ aba mono zém na hã. Taha parip si te za apâ ane wa'wa.

1 Samuéu 9:3

Tawamhã awaru po'repore sipi'õ, Quisi Sauhu mama te hã ma tô aimani za'ra. Tahawa, te Sauhu ma tinha ãne, imama hã: — Ĩ'ra, ma'ãpé ãma asiré saprõni, wama romhuri'wa hã, taha me sô airĩtĩ aba mono da, awaru po'repore sipi'õ isimani za'ra zô.