1 Samuéu 9:16 - ꞌRe Ihâimana Uꞌâsi Mono Zadawa Wasuꞌu

¹⁶ — Awẽmhã tô ãne bâtâ na wa za we aibâ hã atẽme satõ, Bẽzamihĩ nhihudu hã. Tawamhã a hã te za i'rãti za ĩnhib'a'uwẽ Izaraéu nhihudu norĩ te, i'rãnho'õmo da hã. Duré ta hã te za Izaraéu nhihudu norĩ hã anho'reptu, filisteu norĩ nhiptetezé wi hã. E marĩ wa. Wa hã wa tô te 're 'madâ'â, ĩnhib'a'uwẽ te te 're irobzépata za'ra mono zé hã. Duré wa tô te 're wapari za'ra, te 're pawaptob za'ra mono da, te te ĩwi 're irowaptẽrẽ za'ra mono zé hã.

1 Samuéu 9:16 ပူးပေါင်းရင်းမြစ်များ

Salmu 102:1

Uburé Danhib'apito, ma'ãpé ãma aima ĩmremezé hã wapari. Duré ĩzadari sina ĩpawaptobzé te aiwi iwaptẽrẽzé hã ma'ãpé asitẽme âri wẽ na!

Provébiu 16:9

'Râwi danhimirowa'õtõ 'manharĩ na hã te tô 're dahâimana za'ra. Tane nherẽ, te 'Re ihâimana u'âsi mono si 're idahâimana za'ra mono zé hã te te dama 're anhimro.

1 Samuéu 10:1

Tawamhã Samuéu ma tô siré ti'â, simhi azeitona wa'u tob ré hã. Tawamhã iwa'u to hã ma tô sa'wa, Sauhu 'rã nhisiwi. Taha pari, ma tô tob'rata hârâ na sawi. Tawamhã te ãne tãma tinha: — Uburé Danhib'apito ma tô ai'rãti'i, asi'i'rãnho'õmo da, isib'a'uwẽ Izaraéu nhihudu norĩ ma. Duré taha wa, a hã te za 're i'ab'madâ'â mo, Izaraéu nhihudu norĩ hã. Te za duré 're i'anho'reptui mo, asitob'ru norĩ wi hã. Ãne te za 'Re ihâimana u'âsi mono te te i'aipisutu na hã da te 're waihu'u za'ra, asi'i'rãnho'õmozém na hã isib'a'uwẽ norĩ ma.

1 Samuéu 14:20

Tawamhã Sau tite aibâ norĩ me ma tô õne haré asisi, filisteu norĩ te te 'wapé za'ra da hã. Tawamhã ta norĩ hã tõmoi hu'u õ na hâimana za'ra wa, ma tô tisiré norĩ me hã 'râwi si'wapé za'ra.

1 Samuéu 14:23

Bete-Awé na romnhisi inomro nhipai u bâdâdi na ma tô duré te te 'wapéi u'âsi za'ra. Tawamhã Danhib'apito 'Re ihâimana u'âsi mono hã tô taha bâtâ na ma tô Izaraéu nhihudu norĩ ma sõmri za'ra, za te te da'ãma i'ai'uté za'ra zéb da hã.

1 Samuéu 15:1

Tawamhã Samuéu te Sauhu ma tinha ãne: — Wanhib'apito 'Re ihâimana u'âsi mono ma tô ĩma ai'ru, te ai'rãti'i da hã, isib'a'uwẽ Izaraéu nhihudu norĩ ma asi'apito da. Tahawa, te za iwapa ãhã na hã, Wanhib'apito Iwaihu'u pe te te inharĩzé hã.

1 Samuéu 16:1

Tawamhã Uburé Danhib'apito te Samuéu ma tinha ãne: — E momo te za Sauhu ãma aipẽ'ẽzézé hã i'rãsu. Wa hã te ĩsima wẽ zahu õ di, Izaraéu nhihudu norĩ nhib'apito na 're ihâimana mono da hã. Tahawa, ma'ãpé azeitona 'rãi wa'u hã 'masisi abazei õmo 're, asiré âri da. Taha parimhã te za aimo, Belẽ na 'ri'ahâ nhisi u aibâ Zésé na isisi nhorõwa u. E marĩ wa. Wa hã i'ra norĩ wa tô 'maipisutu, i'masi'apito da hã.

1 Samuéu 16:3

Tahawa, Zésé hã te za iwaptẽ, ĩma danhoprubzéb ãma aime hâimana da hã. Tawamhã wa za wa hã aima hâi'ré, marĩ i'manharĩzéb da hã. Ãhã wamhã, te za a hã i'rãti, apito da, wa hã te ipisudu hã.