1 Samuéu 8:8 - ꞌRe Ihâimana Uꞌâsi Mono Zadawa Wasuꞌu

⁸ Ezitu hawi wa hã te isani za'ra hawim haré ma tô õne u'â ĩwi 're sipizari za'ra, aimawi ihâiba'õ norĩ ãma si 're wata za'ra mono da. Tahawa, ãhã na hã ma tô duré aima rob'manharĩ za'ra, õne u'â te te ĩma 're irob'manharĩ za'ra mono ne hã.

1 Samuéu 8:8 ပူးပေါင်းရင်းမြစ်များ

Salmu 78:8

Ta norĩ hã tihi'rata norĩ ne, 'Re ihâimana u'âsi mono mreme na ãma 're nomro mono õ di za. Ihi'rata norĩ hã a'uwẽ iwasédé ma tô tinhimipari õ na si 're nomro. Ta norĩ hã niwamhã siptete na 'Re ihâimana u'âsi mono hã te te sina 're umnhasi za'ra mono õ di. Duré õne u'âsi õhõ ãma hã i'uwaibaba na ãma 're nomro mono õ di.

Ezodu 16:3

ma tô ãne tãma nharĩ zahuré ni: — Ezitu ãma, Uburé Danhib'apito te te wa'uprosi 'wa'âhã, aré tô iwẽ! Tamemhã wa wazahâ na 're wasi'ubumro, romnhi duré aimawi dasa hã wasima iwẽ na wa te 're huri mono da hã. Tane nherẽ, a norĩ wa'wa, ã hã rop si 're irosa'wari mono u hã ma tô we iwanhimroi wa'aba mo, ã hã uburé norĩ hã mram na si uprosi aba da.

Ezodu 17:2

Tahawa, Mozésihi zada hâimana za'ra wa, tãma siwapsari za'ra wamhã, ma tô ãne tãma nharĩ za'ra: — Â hã ma'ãpé wama sõmri za'ra na, wa te i'âhuri da hã. Tawamhã Mozési, ma ãma sada'âbâ za'ra ãne: — E marĩ wa, te ĩma aiwapsari za'ra wa'wa. Duré e marĩ da, te Uburé Danhib'apito hã niha marĩ te te i'manharĩzéb zô asiwi isib'raptẽrẽ 'wa.

Ezodu 32:1

Tawamhã Mozési ẽtẽ hawi te te isi'ra su'u õ na da te dasiwi waihu'u wamhã, ma tô Arã hã dasiwi uirĩ ni. Ãne ma tô tãma nharĩ za'ra ni: — Aibâ hã Mozési, Ezitu hawi we te te iwa'awazere ma, niha na tãma iromhâimanazé hã, wa te waihu'u za'ra õ di. Tahawa, ma'ãpé ihâiba'õ norĩ poto awã na niha hã marĩ wama 'manharĩ za'ra na, te te iwanhimroi mono da hã isipai'u.

Zuize 13:1

Tawamhã Izaraéu nhihudu norĩ, Uburé Danhib'apito wi, ma tô tiwasédé hã apâ te te 're 'manharĩ za'ra. Tahawa 40 wahum na filisteu norĩ nhib'rata te te 're robzépata za'ra mono da hã, ma tô tãma pisutu za'ra.

Zuize 2:20

Tahawa Uburé Danhib'apito, Izaraéu nhihudu norĩ zada, sahi uptabi za'ra wa, te ãne tinha: — Ã hã a'uwẽ norĩ, ma tô ĩnhimiroti hã siwi upto, ihi'rata za'ra norĩ ma, te tãma i'ru za'ra hã te te siwi 're nomri pese mono da. Ã norĩ, ĩnhimiroti te te siwi 're wapari mono õ wa,

Zuize 4:1

Tawamhã Eudi dâ'â parimhã, Izaraéu nhihudu norĩ, ma tô duré Uburé Danhib'apito wi apâ 're wasété za'ra.

Zuize 6:1

Tawamhã Izaraéu nhihudu norĩ, Uburé Danhib'apito wi, ma tô apâ tiwasédé hã te te 're 'manharĩ za'ra. Tahawa 7 wahum na midiãnita norĩ nhib'rata 're hâimana za'ra mono da, ma tô tãma hâiba nhomri za'ra.

1 Samuéu 8:7

Tawamhã ãne ma tô ãma sada'â, tãma imremezém na 'Re ihâimana u'âsi mono hã: — Te za ãma isada'âbâ za'ra, Izaraéu nhihudu norĩ te te aiwi irowaptẽrẽ za'ra na hã. Duré aiwétési te te siwi aiwẽ'õ õ di. Ĩzama ma tô duré siwi ĩwẽ'õ, Tinhib'apito za'ra na hã.

1 Samuéu 8:9

Tahawa, ma'ãpé ãma saze za'ra na te te aiwi irowaptẽrẽ za'ra zém na hã. Tane nherẽ, po're pu'u za'ra na Izaraéu nhihudu norĩ hã. Duré ãma tãma rowasu'u pese za'ra na, za niha apito te te 're i'madâ'â za'ra mono zém na hã.