1 Samuéu 8:7 - ꞌRe Ihâimana Uꞌâsi Mono Zadawa Wasuꞌu

⁷ Tawamhã ãne ma tô ãma sada'â, tãma imremezém na 'Re ihâimana u'âsi mono hã: — Te za ãma isada'âbâ za'ra, Izaraéu nhihudu norĩ te te aiwi irowaptẽrẽ za'ra na hã. Duré aiwétési te te siwi aiwẽ'õ õ di. Ĩzama ma tô duré siwi ĩwẽ'õ, Tinhib'apito za'ra na hã.

1 Samuéu 8:7 ပူးပေါင်းရင်းမြစ်များ

Ezodu 16:8

Tawamhã te zahadu Mozési dama tinha ãne: — Uburé Danhib'apito, te za hâiwahâ sidâpâsi romnhi 're ihuri aba mono da hã te te aima 're sõmri za'ra wa'wa, duré mararé sidâpâsi i'u'ẽtẽ wapu asima iwẽ na 're ihuri aba mono da zama. E marĩ wa. Uburé Danhib'apito zada, aihâimana za'ra wa'aba wa, i'aiwapsari za'ra wa'aba zé hã te te wapari wa. Wazada hã aihâimana za'ra wa'aba õ di. Õhõ zada aihâimana za'ra wa'aba wa, ma tô tãma aiwapsari za'ra wa'wa. E marĩ 'manharĩ'wa pâ bété wa norĩ hã wama i'aiwapsari za'ra wa'aba da hã.

Mateu 10:40

— Ni'wam norĩ hã te te 're aiwaibui wẽ wa'aba mono wamhã, ta norĩ hã ai'u'âbâ wa'aba te za te te siwi 're ĩmrami wẽ. Ta norĩ hã te te siwi 're ĩmrami wẽ mono wa, we ĩzatõrĩ'wa zama hã te za duré ĩsiré te te siwi 're mrami wẽ.

Luca 10:16

Tawamhã te tãma nharĩ za'ra, tisiré 're inomro mono norĩ ma, ãne: — Ni'wam norĩ hã ĩzadawa wasu'u na, te te 're aiwapari pese za'ra wa'aba mono wamhã, ĩmreme 'madâ'â pese 'wa na, wa za ta norĩ hã te ĩsina 're awaihu'u. Duré ni'wam norĩ hã ĩzadawa wasu'u na te te 're aiwẽ'õ za'ra wa'aba mono wamhã, ĩwẽ'õ'wa na, wa za duré ta norĩ hã ĩsina te 're awaihu'u. We ĩzatõrĩ'wai wẽ'õ'wa na zama, wa za ta norĩ hã te ĩsina 're awaihu'u.

Luca 19:14

— Dama si'apito da nherẽ, irob 're, 're idahâimana za'ra mono hã te siwi 'ruiwapa, dama si'apito tõ da. Tahawa, te isarina siwi da'mazatõ, isib'apito ma, te te ãma dazadawa wasu'u za'ra da.

Luca 19:27

Oto ĩ'rui'wa norĩ hã we ĩtẽme ãwisi za'ra wa'aba. Ma tô siwi ĩwẽ'õ za'ra, tãma ĩsi'apito za'ra tõ da. Tahawa, te za ĩnho'a asiwi isimroi wa'wa.”

Zuwã 13:16

Ma'ãpé ĩwapari pese za'ra wa'aba za. Danhib'apito norĩ hã 're sisawi za'ra mono ãna, te te 're dapawaptob za'ra mono wamhã, tãma iromhuri'wa norĩ zama, te za isine te te 're dapawaptob za'ra, 're sisawi za'ra mono ãna. Duré te te 're isatõrĩ za'ra mono hã 're sisawi za'ra mono ãna, te te 're dapawaptob za'ra mono wamhã, isadawa wasu'u'wa norĩ zama te za isine te te 're dapawaptob za'ra, 're sisawi za'ra mono ãna.

Zuize 8:23

Tawamhã Gidiã, ma te ãne ãma tãma wa'rãmi za'ra: — Aima za'ra wa'aba isi'ĩ'rãnho'õmo da hã, duré ĩ'ra zama aima za'ra wa'aba isi'i'rãnho'õmo da hã, waihu'u õ di. Uburé Danhib'apito si, te za ate za'ra wa'aba na i'rãnho'õmo na hã aima 're hâimana za'ra wa'wa.

1 Samuéu 10:19

Wa hã asib'apito za'ra wa'wa. Ĩwétési wa marĩ wi hã te 're asõ'reptu za'ra wa'wa, duré ropire hawimhã. Tane nherẽ, ãhã na hã ma tô asiwi ĩwẽ'õ wa'wa. Duré ma tô asiwi iwaptẽrẽ 'wa, apito hã te aima 'maipisutu za'ra wa'aba da hã. Wẽ di tô. Tahawa, ma'ãpé asi'rã'õtõ aba ĩnho're, aihi'rata norĩ nhihudu mono bâ duré aimama norĩ zarina ai'upsãtã aba mono bâ.”

1 Samuéu 12:1

Tawamhã Samuéu te Izaraéu nhihudu norĩ ma nharĩ za'ra ãne: — Wa hã wa tô uburé ãma aima uwaimrami za'ra wa'wa, ĩwi iwaptẽrẽ za'ra wa'aba zéb uwaibaba. Tahawa, wa tô aima sõmri za'ra wa'wa apito hã, te te 're i'ai'madâ'â za'ra wa'aba mono da hã.

1 Samuéu 12:12

Tane nherẽ, amonita norĩ te apito Na'asi hã te te ai'wapé za'ra wa'aba da, we imorĩ na asiwi 'madâ'â aba wamhã, ma tô a norĩ wa'wa hã asiwi iwẽ'õ za'ra wa'wa, Wanhib'apito 'Re ihâimana u'âsi mono hã apito na wama 're ihâimana za'ra mono hã aré. Tahawa, ma tô ãne duré ĩma inharĩ za'ra wa'wa: “Wa wasima wẽ za'ra ni, aimawi wama isi'apito za'ra da hã.”

1 Samuéu 8:22

Tahawa, ma ãma sada'â ãne, 'Re ihâimana u'âsi mono hã: — Tãma 'manharĩ za'ra na tô, Izaraéu nhihudu norĩ te te sima iwẽ za'ra zéb zarina. Duré tô tãma sõmri za'ra na, apito hã. Taha pari, ma tô Samuéu hã tiwi waptẽrẽ za'ra Izaraéu nhihudu norĩ si'aibâ norĩ wi, apâ si'aba'ré da, tinhorõwa za'ra u hã.

1 Samuéu 8:8

Ezitu hawi wa hã te isani za'ra hawim haré ma tô õne u'â ĩwi 're sipizari za'ra, aimawi ihâiba'õ norĩ ãma si 're wata za'ra mono da. Tahawa, ãhã na hã ma tô duré aima rob'manharĩ za'ra, õne u'â te te ĩma 're irob'manharĩ za'ra mono ne hã.