1 Samuéu 8:4 - ꞌRe Ihâimana Uꞌâsi Mono Zadawa Wasuꞌu

⁴ Tahawa, uburé Izaraéu nhihudu norĩ ma i'rãnho'õmo za'ra norĩ hã ma tô si'rã'õtõ. Tawamhã ma tô ai'aba'ré Rama u, Samuéu tẽme, te te tãma nharĩ za'ra da.

1 Samuéu 8:4 ပူးပေါင်းရင်းမြစ်များ

Ezodu 24:1

Tawamhã Uburé Danhib'apito te Mozésihi ma tinha ãne: — A hã, Arã, Nadabe, Abiu, duré 70 na Izaraéu nhihudu nhib'ihâ'a norĩ me hã, te za ẽtẽ na isai'uri za'ra wa'wa, ĩhâimanazéb u we ĩtẽme ai'aba'réi wa'aba da. Tawamhã zahadu romhâ na prãi ré te za aihi'rãtitõ ĩ'ãma aiwata za'ra wa'aba da hã asimroi wa'wa.

Ezodu 3:16

Tawamhã taha pari te 'Re ihâimana u'âsi mono duré ãne tãma tinha: — Aimorĩ, Izaraéu norĩ ma, i'rãnho'u 'rã'õtõ da. Tawamhã te za ãne tãma ĩzadawa wasu'u za'ra. Wa hã Uburé Danhib'apito aihi'rata norĩ te, 'Re ihâimana u'âsi mono, Abra'ãhã nhib'apito, Izaquihi nhib'apito, duré Zacoho nhib'apito. Wa tô aima ĩsihâi'ré. Duré wa tô aima waihu'u, ãne na tãma ĩzadawa wasu'u za'ra da: “Wa hã 're irobzépata za'ra wa'aba mono zé hã wa tô te 're 'madâ'â. Duré ezipsiu norĩ te te aima 're irob'manharĩ wasété za'ra wa'aba mono zé hã ĩma waihu'u pese di.

1 Samuéu 1:19

Tawamhã awẽ bâtâ na ma tô Eucana norĩ hã ti'utu za'ra awẽ wi, duré ãma wata za'ra da, Uburé Danhib'apito ãma hã. Tawamhã ma tô apâ aihutu tinhorõwa Rama u hã. Eucana tame timro Ãnahã ãma ma tô oto ãma hâimana. Tahawa, Uburé Danhib'apito hã ma tô oto wapa, te te tiwi irowaptẽrẽzém na hã.

1 Samuéu 11:3

Tawamhã 'rinho'u Zabesi ãma dama i'rãnho'õmo norĩ hã te asa tãma nharĩ za'ra ãne: — A'â wama sõmri za'ra na, 7 na bâdâ hã uburé Izaraéu nhihudu norĩ nhipti'ai mono bâ, wa te a'â ãma ropéi mono da, romreme na hã. Duré tane nherẽ, ni'wa hã wei morĩ õ wamhã, te te wapawaptob za'ra da hã, ãhã wapsi, wa za tô aima wasisõmri za'ra ni.

1 Samuéu 7:17

Taha pari, ma tô apâ 're ne, 'rinho'u Rama ãma tinhorõwa u hã, duré tameb zama da'ãma rowairébé'wa na 're hâimana mono wa, Izaraéu nhihudu norĩ ma. Tawamhã Rama ãma ma tô Samuéu hã 'manha, Uburé Danhib'apito ma, danhoprubzé zatazé wedeza 'manharĩ hã.

1 Samuéu 8:10

Tawamhã Samuéu hã ma tô ãma tãma rowasu'u za'ra, Izaraéu nhihudu norĩ ma Uburé Danhib'apito te te tãma iwaihu'uzéb zarina.