1 Samuéu 8:18 - ꞌRe Ihâimana Uꞌâsi Mono Zadawa Wasuꞌu

¹⁸ Tawamhã ãne asib'apito za'ra wa'wa hã marĩ te te aima pisutu za'ra wa'aba wamhã, isimirob'manharĩzé te, te za a norĩ wa'wa hã 're ai'ru'ru wa'aba mo, apito asiwi ipisutu za'ra wa'aba nhimi'manharĩzé te. Tane nherẽ, Uburé Danhib'apito hã te te iwapari da hã mare di za, tãma i'aiwapsari za'ra wa'aba zé hã.

1 Samuéu 8:18 ပူးပေါင်းရင်းမြစ်များ

Provébiu 21:13

Ni'wa isimarĩ'õ norĩ hârâ te te wapari tõ da, sipo're nhidâ wamhã, õhõ hârâ zama duré da te isada'âbâ da hã mare di.

Luca 13:25

Nimahã na te za 'ri tede'wa hã wahudu, te te siré 'rinhitop tete da. Tawamhã te za i'ridawa ta'a za'ra wa'wa, rowi 're ai'ubumroi wa'aba mono hã. 'Ri tede'wa hã te za i'mahârâ za'ra wa'wa, ãne: “Apito, ma'ãpé we wazô 'ridawa za'ra na, ãma atẽme wanhisisi da.” Ãne te za 're i'mahârâ za'ra wa'aba mo. Tazahã, te za asa aima nharĩ za'ra wa'wa, ãne: “Te aiwaihu'u za'ra wa'aba õ di. E ma hawimhã, a norĩ wa'wa hã.”

1 Samuéu 8:17

Tawamhã te za duré awaibu, asimizama za'ra wa'wa, 10 na simasa wamhã, misi si hã te za te te awaibu. Tawamhã tô a norĩ wa'wa hã te za aipawa'âbâ ãna tãma 're iromhuri za'ra wa'aba mo.