1 Samuéu 8:15 - ꞌRe Ihâimana Uꞌâsi Mono Zadawa Wasuꞌu

¹⁵ Tawamhã ta norĩ hã amnho 10 na te te itehâri za'ra mono wasi hã tãma 're isimi'wara mono hã duré uwa'ru 'rã norĩ hã te za te te tãma 're sõmri za'ra, misi iwasisi na amnho teihi wasi hã, uwa'ru rã hã, tite da'madâ'â'wa norĩ ma hã, duré ihâiba amo tite romhuri'wa norĩ ma hã.

1 Samuéu 8:15 ပူးပေါင်းရင်းမြစ်များ

Zenezi 37:36

Taha ré ma tô midiãnita norĩ hã, Zuzé, Ezitu ãma apito 'madâ'â'wa norĩ nhib'ihâ'a Potifaha ma hã siwi wede.

Daniéu 1:18

Tawamhã apito Nabucodonozo, si'ubdatõ wahu te te ipisutu ãma, ma tô Apenasi hã apito hâimanazéb u uburé ipréduptém norĩ hã te te oto simro.

Daniéu 1:3

Taha pari te apito Nabucodonozo, isimiromhurizé 'ri 'rãihâ 'madâ'â'wa norĩ nhib'ihâ'a zô hã hâ, Apenasihi zô. Sô hârâ wamhã, ma tô tãma ti'ru, ni'wam norĩ Izaraéu nhihudu, iprédupté apito hawi a'uwẽ hã, duré apito zapari romhuri'wa norĩ a'uwẽ hã te te niha 'maipisutu za'ra da,

1 Samuéu 8:14

Tawamhã te za duré aiwi waibu za'ra wa'wa, ti'a na rob're iwẽ norĩ hã, uwa'ru na rob're iwẽ norĩ hã duré oriwera wede na rob're iwẽ norĩ hã uburé tite romhuri'wa norĩ ma, te te 're sõmri za'ra mono da.

1 Samuéu 8:16

Tawamhã te za duré awaibu, aima romhuri za'ra wa'aba 'wa norĩ hã, powawẽ iwẽ uptabi norĩ hã, duré awaru po'repore iwẽ uptabi norĩ hã, te te tãma 're iromhuri za'ra mono da hã.