1 Samuéu 7:9 - ꞌRe Ihâimana Uꞌâsi Mono Zadawa Wasuꞌu

⁹ Tawamhã Samuéu ma tô 'maiwĩ pone'ẽrebâ 'ra hã zahadu tina hâ te te irẽme'õ hã. Tawamhã ma tô wahuré zata, ãma tãma sõprub da, Uburé Danhib'apito ma. Duré taha na ãma tãma sõpru pari, ma tô tiwi rowaptẽ, Izaraéu nhihudu norĩ te te pawaptob za'ra da. Tahawa, ma tô ãma sada'â, te te tiwi irowaptẽrẽzém na hã.

1 Samuéu 7:9 ပူးပေါင်းရင်းမြစ်များ

Tiagu 5:16

Ãne wa, Wanhib'apito hã aihâzé wa, te te 're aipese za'ra wa'aba mono da, marĩ 're 'manharĩ wasété za'ra wa'aba mono wamhã, te za asima 're asiwasu'u za'ra wa'aba mo. Te za duré asima tiwi 're irowaptẽrẽ za'ra wa'aba mo, Wanhib'apito wi. Tawamhã dahâimana wẽ sina, da te tiwi 're rowaptẽrẽ za'ra mono wamhã, da te tiwi 're irowaptẽrẽ za'ra mono zéb zarina, te za tô te te dama ãma 're a'uwaimrami, Wanhib'apito hã.

Zuize 6:26

Taha parip si te za Uburé Danhib'apito, ate 'Re ihâimana u'âsi mono ma, ẽtẽ nhisi ãma ẽtẽ za'ra tãma i'manha, danhoprubzé zatazéb da hã. Taha pari te za duré maparane ãma powawẽ iba'õmore hã isisiwi izatare, 'Re ihâimana u'âsi mono ma, ihâiba'õ Asera wede na ipodo hã za i'marõwĩrĩ na ãma ro'o da.

Zuize 6:28

Tawamhã 'ri nho'õmo ãma aibâ norĩ 're ihâimana za'ra mono robza'rã ré utu za'ra wamhã, ma tô Baau romhâibarĩ sipru hã, Asera wede na ipoto zabzé isime hã, duré maparane ãma powawẽ iba'õmore zada hã siwi 'madâ, ẽtẽ za'ra tame Gidiã te te i'manharĩ nhisiwimhã.

1 Samuéu 10:8

Ma'ãpé aimorĩ ĩnhowa Gilga na romnhisi u. Tawamhã tamep si wa za duré wa hã asõpẽtẽ, 'Re ihâimana u'âsi mono ma, ĩnhoprubzéb da danhimizama hã te zata pese da, ãma ĩmorĩ wamhã. Wa za duré tãma ãma ĩnhopru, danhoprubzém na ãma idapẽ'ẽ to za'ẽtẽ na hã. Tahawa, a'â ĩzô asimipari za, 7 bâtâ 'remhã wa hã ãma ĩwisizéb u, duré te aima waihu'u da, za marĩ i'manharĩzéb da hã.

1 Samuéu 12:17

Ãhã na hã wahum na wa wahâimana za'ra ni. E amnho trigu hã da te tehâri mono õ di za bété, ãhã na hã. Tahawa, wa za mre, Wanhib'apito ma tãirãrã'ã ma, we te te rob'ru da, duré tãi ma. Tawamhã ãne hã a norĩ wa'wa hã 'madâ'â za'ra wa'aba wamhã, te za iwaihu'u za'ra wa'wa, aiwasédé sa'ẽtẽ na 'Re ihâimana u'âsi mono wi i'manharĩ za'ra wa'aba zém na hã, asima iwẽ za'ra wa'aba zarina, aimawi apito hã waptẽrẽ za'ra wa'aba wa.

1 Samuéu 16:2

Tawamhã Samuéu ma tô ãma sada'â ãne: — E niha wa za 'manha. Sau hã bété za ãne hã te te waihu'u wamhã, te za ĩwĩ! Tawamhã Uburé Danhib'apito ma ãma tãma wa'rã ãne: — Te za powawẽ zapu hã ãma i'mazaprõ. Tawamhã te za tãma asiwasu'u, 'Re ihâimana u'âsi mono ma abaze zata na tãma asõprub da, õwa i'aimorĩ na hã.

1 Samuéu 2:35

Tawamhã wa hã wa za duré 'maipisutu ĩte sasedoti ĩma romhuri'wa da hã, duré uburé marĩ za te te 're i'manharĩ mono da hã te ĩsima 're i'awẽ mono zéb zarina. Duré wa za wa hã õhõ ma te tãma 're sõmri za'ra isihudu hã. Ta norĩ hã te za õne u'âsi apito ma te te 're romhuri za'ra za, apito te ipisutu ma hã.

1 Samuéu 7:17

Taha pari, ma tô apâ 're ne, 'rinho'u Rama ãma tinhorõwa u hã, duré tameb zama da'ãma rowairébé'wa na 're hâimana mono wa, Izaraéu nhihudu norĩ ma. Tawamhã Rama ãma ma tô Samuéu hã 'manha, Uburé Danhib'apito ma, danhoprubzé zatazé wedeza 'manharĩ hã.

1 Samuéu 9:12

Tawamhã azarutu norĩ hã ma tô ãma sada'âbâ za'ra ãne: — Ĩhe. Ãme te nhamra. Õhõta te oto mo aiwana wa'aba. Tahawa, ma'ãpé ai'aba'ré na ãma itẽme ane wa'aba. Ta hã ma tô we 'ri nho'õmo u hã ãzé, ã bâtâ na danhimizama zata na 'Re ihâimana u'âsi mono ma, za da te tãma sõmri za'ra wa, danhoprubzé hã, wedezane nhisiwimhã ẽtẽ ãma 're isa mono nhisiwimhã.