1 Samuéu 7:5 - ꞌRe Ihâimana Uꞌâsi Mono Zadawa Wasuꞌu

⁵ Tawamhã Samuéu hã ma tô tãma 'ru za'ra Izaraéu nhihudu norĩ ma, uburé pese si'rã'õtõ da Mispa na 'ri wa'õtõ nhisi ãma. Tawamhã ma tô duré tãma ropisutu za'ra, tame ãma 're mreme za'ra mono da, Uburé Danhib'apito ma hã.

1 Samuéu 7:5 ပူးပေါင်းရင်းမြစ်များ

Zenezi 20:7

Ma'ãpé ãhã na apâ imro ma, pi'õ hã tãma sõmri. Õ hã ĩzadawa 'mahârâ'wa, te za ai'ãma ĩwi hã rowaptẽ, atâ'â tõ da hã. Ãne na hã wa za aipo're pu'u siro. Apâ imro tãma sõmri õ wamhã, te za tô atâ za. Duré uburé aima 're ihâimana za'ra mono norĩ hã te za ai'utõ za.

Zenezi 31:49

Mispa na zama isisi hã, Labã te te nharĩ wa ãne: — Uburé Danhib'apito, niha wasima wasiwãnhizari ré hã te te iwa'madâ'â da si tô iwẽ hã.

Neemia 9:1

Tawamhã a'amo 24 bâtâ ãma ma tô Izaraéu nhihudu norĩ hã si'rã'õtõ, sai ãna a'â hâimana za'ra da. Tahawa, ma tô duré sa'u ihâiro na si'uza za'ra. Ma tô duré ti'a na hã si'rã zazub za'ra.

Zuéu 2:16

Uburé da'rã'õtõ aba. Tawamhã uburé te za dama i'ru za'ra wa'wa, dasihâiba pese za'ra da. We dasi'aba'ré da uburé, ihi norĩ hã, ai'uté norĩ hã, dapabre norĩ zama. Duré si'ãma imro téb za'ra norĩ hã te za we wairé 'ri hawimhã, ta norĩ zama we si'aba'ré da, 'Re ihâimana u'âsi mono nhorõwa u hã.

Zuize 10:17

Tawamhã amonita norĩ te, dasi'wapéi 'manharĩ'wa zô dahãsi wamhã, Ziliadi ãma te te sima 'ri nhoré za'ra wa, ma tô duré Izaraéu nhihudu norĩ hã si'ubumro, Mispa ãma te te sima i'ri nhoré mono zéb ãma hã.

Zuize 20:1

Tawamhã ãne wa, uburé Izaraéu nhihudu norĩ, hâiwa nhimi'e niwĩ Dãhã nhihudu 're ihâimana za'ra mono hawimhã, Beseba, hâiwa nhimire niwĩ 're ihâimana za'ra mono hawim norĩ me, duré Ziliadi, bâtâ pusizém niwĩ 're ihâimana za'ra mono hawim norĩ me, ma tô Mispa na 'ri wa'õtõ nhisi ãma si'rã'õtõ. Misi dahâiba ne ma tô Uburé Danhib'apito nho'remhã si'ubumro.

1 Samuéu 10:17

Tawamhã Samuéu ma tô uburé sô tihârâ za'ra, Izaraéu nhihudu norĩ zô, Mispa ãma si'rã'õtõ da.

1 Samuéu 12:17

Ãhã na hã wahum na wa wahâimana za'ra ni. E amnho trigu hã da te tehâri mono õ di za bété, ãhã na hã. Tahawa, wa za mre, Wanhib'apito ma tãirãrã'ã ma, we te te rob'ru da, duré tãi ma. Tawamhã ãne hã a norĩ wa'wa hã 'madâ'â za'ra wa'aba wamhã, te za iwaihu'u za'ra wa'wa, aiwasédé sa'ẽtẽ na 'Re ihâimana u'âsi mono wi i'manharĩ za'ra wa'aba zém na hã, asima iwẽ za'ra wa'aba zarina, aimawi apito hã waptẽrẽ za'ra wa'aba wa.

1 Samuéu 12:23

Wa hã te ai'ãma 're irowaptẽrẽ za'ra wa'aba mono zé hã te irẽme da hã mare di. Ãnei õ wamhã, wa aré ĩwasédé hã 'manha, 'Re ihâimana u'âsi mono wi. Wa hã wa za ãma aima te 're rowasu'u za'ra wa'wa bâdâdi iwẽ na ãma 're i'anomro aba mono da hã.

1 Samuéu 7:12

Tawamhã Samuéu hã ma tô ti'â ẽtẽ tõmo wawẽ hã. Tawamhã ma tô tihi, Mispa na 'ri nho'õmo ro wa'wa, Sẽ na daza'ru nhisi wa'wa me. Tawamhã te ãne tinha: — Ãwap si ma tô Uburé Danhib'apito hã wapawaptob za'ra. Tahawa, ma tô sisi, Ebeneze na.

1 Samuéu 7:16

Wahup sidâpâsi ma tô 're ne Bétéu u hã, Gilga u hã, duré Mispa u hã. Ã norĩ daza'ru ãma isõ're da te tãma 're ihâi'ré za'ra mono zéb zarina ma tô te te dama ãma 're arowairébé.

1 Samuéu 7:4

Tawamhã ãne te te tãma waihu'u za'ra wa, ma tô Izaraéu nhihudu norĩ hã romhâibarĩ Baau na isisi siwazari tãma ihâimana za'ra hã siwi sãmra. Tawamhã ma tô duré siwi time romhâibarĩ na pi'õi podo hã Uburé Danhib'apito ãma si 're wata za'ra mono da oto.

1 Samuéu 8:6

Tane nherẽ, Samuéu ma hã wẽ õ di, te te tiwi iwaptẽrẽ za'ra zé hã. Tahawa, ma tô tãma mre, Uburé Danhib'apito ma.