1 Samuéu 7:17 - ꞌRe Ihâimana Uꞌâsi Mono Zadawa Wasuꞌu

¹⁷ Taha pari, ma tô apâ 're ne, 'rinho'u Rama ãma tinhorõwa u hã, duré tameb zama da'ãma rowairébé'wa na 're hâimana mono wa, Izaraéu nhihudu norĩ ma. Tawamhã Rama ãma ma tô Samuéu hã 'manha, Uburé Danhib'apito ma, danhoprubzé zatazé wedeza 'manharĩ hã.

1 Samuéu 7:17 ပူးပေါင်းရင်းမြစ်များ

Zenezi 33:20

Tawamhã tame ma tô 'Re ihâimana u'âsi mono ma, danhimizama zatazéb da ẽne hã tisã, hâiwi. Ta hã ma tô sisi El na, Izaraéu nhihudu norĩ te, 'Re ihâimana u'âsi mono nhisi na.

Zenezi 35:7

Tawamhã tame ma tô ẽtẽ za'ra hã 'manha, 'Re ihâimana u'âsi mono ma. Ta hã ma tô sisi, “Bétéu te, 'Re ihâimana u'âsi mono” na. E marĩ wa. Tame tãma sihâi'ré wa, tidub'rata ma, simani wamhã.

Zuize 4:5

Tawamhã Rama norĩ wa'wamhã, Bétéu me te norõsu ne hã iwa'wab zahuré 're sa, Efraĩ ãma ẽtẽ niwĩmhã. Tawamhã taha zahâpâ Débora 're simasisi mono wamhã, ma tô Izaraéu nhihudu norĩ itẽme 're nomro, marĩ na romreme te te itẽme 're i'wasari mono na te te tãma 're arowairébé mono da hã.

Zuize 6:24

Tawamhã tame Gidiã, ma tô ẽtẽ za'ra hã 'manha, Uburé Danhib'apito ma, marĩ zatazéb da hã. Tawamhã ma tô sisi, “Uburé Danhib'apito ãma si rowẽ za'ẽne hã”. Tawamhã ãhã na zama te zahadu ẽtẽ za'ra Abi'ézéhé siré norĩ te, 'ri nho'u Opra na isisi ãma hã 're sa.

1 Samuéu 1:1

Tawamhã aibâ te 're 'maihâimana, Efraĩhĩ nhihudu, Eucana na isisi 'ri nho'u Rama na isisi ãma 're ihâimana mono, Efraĩhĩ nhihudu norĩ nhipti'ai 'rã nho'õmo ãma hã, ẽtẽ 'rãihâ si 're iromhâimana mono ãma. Ta hã Zero'ãhã 'ra, Eri'uhu nhihudu, To'uhu 'ra nhihudu, duré Zupihi 'ra nhihudu 'ra.

1 Samuéu 1:19

Tawamhã awẽ bâtâ na ma tô Eucana norĩ hã ti'utu za'ra awẽ wi, duré ãma wata za'ra da, Uburé Danhib'apito ãma hã. Tawamhã ma tô apâ aihutu tinhorõwa Rama u hã. Eucana tame timro Ãnahã ãma ma tô oto ãma hâimana. Tahawa, Uburé Danhib'apito hã ma tô oto wapa, te te tiwi irowaptẽrẽzém na hã.

1 Samuéu 11:15

Tahawa, ma tô oto ai'aba'ré uburé Gilga u hã. Tame ma tô ro iwazéb zahi ãmamhã Sau hã siwi pisutu, tinhib'apito za'ra da hã. Tawamhã ma tô duré tinhoprubzém na hã tinhoprub za'ra, 'Re ihâimana u'âsi mono ma, danhoprubzé ãma irowẽ za'ẽtẽ na hã. Tahawa, Sau norĩ hã Izaraéu nhihudu norĩ me ma tô rowẽ te 're to za'ra, ãne na iromhâimanazém na hã.

1 Samuéu 14:35

Tawamhã Sau hã ma tô oto ẽne hã sa'ra sisiwipsi, Uburé Danhib'apito ma, ãma tãma 're idanhoprub za'ra mono zéb da hã. Ãne hã imorĩ'rata na ma tô ẽtẽ za'ra sisiwipsi hã 'manha.

1 Samuéu 15:34

Taha pari Samuéu hã, Rama na 'ri nho'õmo nhisi u ma tô oto mo. Sau hã te duré tinhorõwa u oto mo, 'ri'ahâ Zibea u.

1 Samuéu 2:11

Tawamhã ma tô oto mo Eucana hã apâ, Rama ãma tinhorõwa u hã. Tane nherẽ, te 'watébrémi Samuéu si nhamra isa'u, Silo ãma hã, Uburé Danhib'apito ma romhuri'wa na 're hâimana mono da, sasedoti Erihi pawapto'wa na.

1 Samuéu 28:3

Tawamhã Samuéu dâ'â wamhã, ma tô uburé Izaraéu nhihudu norĩ hã sô ti'ru'ru. Ma tô duré ãma siwi ti'a, 'ri'ahâ Rama na isisi wa, ipotozéb ãma. Tawamhã Sau hã ma tô uburé adâ'â zadaihu'u'wa norĩ hã, satõrĩ za'ra Izaraéu nhihudu norĩ nhipti'ai hawimhã.

1 Samuéu 8:4

Tahawa, uburé Izaraéu nhihudu norĩ ma i'rãnho'õmo za'ra norĩ hã ma tô si'rã'õtõ. Tawamhã ma tô ai'aba'ré Rama u, Samuéu tẽme, te te tãma nharĩ za'ra da.

1 Samuéu 9:12

Tawamhã azarutu norĩ hã ma tô ãma sada'âbâ za'ra ãne: — Ĩhe. Ãme te nhamra. Õhõta te oto mo aiwana wa'aba. Tahawa, ma'ãpé ai'aba'ré na ãma itẽme ane wa'aba. Ta hã ma tô we 'ri nho'õmo u hã ãzé, ã bâtâ na danhimizama zata na 'Re ihâimana u'âsi mono ma, za da te tãma sõmri za'ra wa, danhoprubzé hã, wedezane nhisiwimhã ẽtẽ ãma 're isa mono nhisiwimhã.