1 Samuéu 7:16 - ꞌRe Ihâimana Uꞌâsi Mono Zadawa Wasuꞌu

¹⁶ Wahup sidâpâsi ma tô 're ne Bétéu u hã, Gilga u hã, duré Mispa u hã. Ã norĩ daza'ru ãma isõ're da te tãma 're ihâi'ré za'ra mono zéb zarina ma tô te te dama ãma 're arowairébé.

1 Samuéu 7:16 ပူးပေါင်းရင်းမြစ်များ

Zenezi 28:19

Tawamhã taha rob ãma 'ri nho'u 're ihâimana mono hã, Rowa'a na isisi hã aré. Tane nherẽ, Zaco hã ma tô isisi na ãma saprĩ, Bétéu na.

Zenezi 35:6

Ãne ma tô Zaco, uburé tite a'uwẽ norĩ ré hã wi, Rowa'a na 'ri nho'õmo nhisi u, Bétéu na isisi amoi u, Cana'ã ti'ai 'remhã.

Zozué 5:10

Tawamhã Izaraéu nhihudu norĩ, Gilga ãma te te sima i'ri nhoré za'ra zéb ãma te tihâimana za'ra, romharé Zerico 'ri nho'u te te i'uirĩ ãma. Tame ma tô hâiwahâ bâtâ 're dia 14 na, a'amo imorĩ'rata uptabi te na sima romhu'u za'ra, Pascowa na dato isa'ẽtẽ nhisi na bara na hã.

Zozué 5:9

Tawamhã Uburé Danhib'apito, te Zozuéhé ma tinha, ãne: — Aipawa'âbâ ãna Ezitu ãma dama 're irob'ma'wamarĩ za'ra wa'aba mono zéb zarina rowazé hã wa tô aima sani za'ra wa'wa, â bâtâ na hã. Ãne wa, ma tô Gilga na siwi romnhisi. Zahadu te ãhã na zama ãma romnhisi hã 're hâimana.

Zuize 10:4

Taha 'ra hã 30 na awaru po'repore na 're isisa'rei mono. Duré i'ra norĩ te 'rinho'u hã 30 na Ziliadi na rowamri niwĩmhã. Ta hã 'ri nho'õmo norĩ nhisi, te zahadu ãhã na zama “Zaihi te” na da te 're sisi za'ra.

Zuize 12:14

Abdõ hã 40 na i'ra, duré 30 na isihudu, 70 na awaru po'repore na 're inomro mono. Ta hã Izaraéu nhihudu norĩ ma, 8 wahub 'remhã ma tô si'i'rãnho'u.

Zuize 5:10

Tawamhã a norĩ wa'wa, awaru po'repore i'a na 're i'asa'rei wa'aba mono hã, ibazadâ na 're i'asimroi wa'aba mono hã, duré aipara na si 're i'anomro aba mono norĩ hã ma'ãpé ãne na ãma dama 're rowasu'u za'ra wa'aba mono.

1 Samuéu 10:17

Tawamhã Samuéu ma tô uburé sô tihârâ za'ra, Izaraéu nhihudu norĩ zô, Mispa ãma si'rã'õtõ da.

1 Samuéu 11:14

Tawamhã Samuéu te duré dama tinha ãne: — Oto uburé wasi'aba'réi wa'aba Gilga na romnhisi u. Tawamhã tamep si wa za Sau hã wa te wasiwi ipisutu na ãma sahu za'ra ni, wanhib'apito za'ra da hã.

1 Samuéu 7:5

Tawamhã Samuéu hã ma tô tãma 'ru za'ra Izaraéu nhihudu norĩ ma, uburé pese si'rã'õtõ da Mispa na 'ri wa'õtõ nhisi ãma. Tawamhã ma tô duré tãma ropisutu za'ra, tame ãma 're mreme za'ra mono da, Uburé Danhib'apito ma hã.