1 Samuéu 7:15 - ꞌRe Ihâimana Uꞌâsi Mono Zadawa Wasuꞌu

¹⁵ Samuéu hã tihâimanazéb 'rãsutu u ma tô da'ãma rowairébé'wa na hã 're hâimana, Izaraéu nhihudu norĩ ma.

1 Samuéu 7:15 ပူးပေါင်းရင်းမြစ်များ

Zuize 2:16

Tahawa, Uburé Danhib'apito ma tô Izaraéu nhihudu norĩ ma, dama i'rãnho'u isiptede hã tãma sõmri za'ra, da'ãma rowairébé'wa na isisi norĩ hã, te te 're i'wapé za'ra mono norĩ wi, duré te te 're isimi'uri za'ra mono norĩ wi, te te 're isõ'reptu za'ra mono 'wa da hã.

1 Samuéu 12:1

Tawamhã Samuéu te Izaraéu nhihudu norĩ ma nharĩ za'ra ãne: — Wa hã wa tô uburé ãma aima uwaimrami za'ra wa'wa, ĩwi iwaptẽrẽ za'ra wa'aba zéb uwaibaba. Tahawa, wa tô aima sõmri za'ra wa'wa apito hã, te te 're i'ai'madâ'â za'ra wa'aba mono da hã.

1 Samuéu 12:11

Tahawa, ma tô Wanhib'apito 'Re ihâimana u'âsi mono hã satõrĩ za'ra Gidiã norĩ hã, Baraque hã, Zépté hã, duré wa hã Samuéu, wa te i'asõ'reptu za'ra wa'aba da hã, asitob'ru norĩ wi. Ãne wa, ma tô a norĩ wa'wa hã oto romnhimimnhasi ãna 're aihâimana za'ra wa'aba mo.

1 Samuéu 25:1

Tawamhã Samuéu hã ma tô dârâ. Dâ'â wamhã, ma tô uburé Izaraéu nhihudu norĩ hã itẽme si'rã'õtõ, ãma 'ru'ru da hã. Tawamhã ma tô ãma siwi ti'a, Rama ãma 're ihâimana mono zéb ãma. Tawamhã Samuéu ãma te te siwi ti'ai pari, ma tô Dawi hã mo, Parã na rop si 're irosa'wari mono nhisi u.

1 Samuéu 7:16

Wahup sidâpâsi ma tô 're ne Bétéu u hã, Gilga u hã, duré Mispa u hã. Ã norĩ daza'ru ãma isõ're da te tãma 're ihâi'ré za'ra mono zéb zarina ma tô te te dama ãma 're arowairébé.

1 Samuéu 7:6

Tawamhã ãne ma tô uburé Izaraéu nhihudu norĩ hã si'rã'õtõ, Mispa ãma. Tahawa, ma tô â hã duré siwi waze. Ta hã ma tô duré siwi sa'wa, Uburé Danhib'apito ma tinhoprubzém na hã. Tawamhã si'upari ãna ma tô bâtâ bâre tihâimana za'ra. Tahawa, te ãne tãma siwẽ'õ za'ra, 'Re ihâimana u'âsi mono ma: — Uburé Danhib'apito, wa norĩ hã wa tô wawasédé hã 'manharĩ za'ra ni aiwi. Tawamhã tame ma tô Samuéu hã Izaraéu nhihudu norĩ ma si'ĩ'rãnho'u, Mispa ãma. Tame ma tô duré da'ãma rowairébé'wa na hã 're hâimana.