1 Samuéu 7:13 - ꞌRe Ihâimana Uꞌâsi Mono Zadawa Wasuꞌu

¹³ Ãne ma tô filisteu norĩ ãma hã ai'uté za'ra ni. Duré tawamhã Uburé Danhib'apito hã te te tãma sa'ré za'ra õ di, dawi isisisi da hã, Izaraéu nhihudu norĩ nhipti'ai u hã, Samuéu 're hâimana mono ré hã.

1 Samuéu 7:13 ပူးပေါင်းရင်းမြစ်များ

Zuize 13:1

Tawamhã Izaraéu nhihudu norĩ, Uburé Danhib'apito wi, ma tô tiwasédé hã apâ te te 're 'manharĩ za'ra. Tahawa 40 wahum na filisteu norĩ nhib'rata te te 're robzépata za'ra mono da hã, ma tô tãma pisutu za'ra.

Zuize 13:5

E marĩ wa. A hã za aiwasã wa, ai'ra aima poto da hã. Duré niwamhã séré nhihâri õ di za. E marĩ wa. Ta hã, ipotozém hawim haré, 'Re ihâimana u'âsi mono te na, za tãma 're hâimana mono wa, Nazire norĩ siré 're hâimana mono da hã. Tahawa te za filisteu norĩ nhiptetezé wi, Izaraéu nhihudu norĩ te te 're i'anho'reptui mono zém na ãma sãna'rata za.

Zuize 8:28

Tawamhã ma tô midiãnita norĩ hã Izaraéu nhihudu norĩ nhiptete zahâpâmhã 're hâimana za'ra. Tahawa apâ 're 'rãiwahutu waihu'u za'ra mono õ di oto. Tawamhã Gidiã 're hâimana mono ré hã, ma tô 40 wahum na ti'ai 'remhã rowẽ na si 're romhâimana.

1 Samuéu 12:11

Tahawa, ma tô Wanhib'apito 'Re ihâimana u'âsi mono hã satõrĩ za'ra Gidiã norĩ hã, Baraque hã, Zépté hã, duré wa hã Samuéu, wa te i'asõ'reptu za'ra wa'aba da hã, asitob'ru norĩ wi. Ãne wa, ma tô a norĩ wa'wa hã oto romnhimimnhasi ãna 're aihâimana za'ra wa'aba mo.

1 Samuéu 5:9

Tane nherẽ, te te siwi ãwisi parimhã, ma tô Uburé Danhib'apito hã duré tãma rob'manharĩ za'ra 'ri nho'õmo 'rem norĩ ma. Ma tô duré tapẽ'ẽwara za'ra ni, 'ri nho'õmo ãma 're idahâimana za'ra mono norĩ hã. Tawamhã uburé 'ri nho'õmo 'remhã ma tô dahâ 'rowi da'wa're tob'mai'ã hã te te daduri, dama ipire norĩ hã duré dama iwapu norĩ zama.