1 Samuéu 7:12 - ꞌRe Ihâimana Uꞌâsi Mono Zadawa Wasuꞌu

¹² Tawamhã Samuéu hã ma tô ti'â ẽtẽ tõmo wawẽ hã. Tawamhã ma tô tihi, Mispa na 'ri nho'õmo ro wa'wa, Sẽ na daza'ru nhisi wa'wa me. Tawamhã te ãne tinha: — Ãwap si ma tô Uburé Danhib'apito hã wapawaptob za'ra. Tahawa, ma tô sisi, Ebeneze na.

1 Samuéu 7:12 ပူးပေါင်းရင်းမြစ်များ

Zenezi 22:14

Tawamhã Abra'ã taha ẽne hã ma tô sisi, “Uburé Danhib'apito, te za marĩ ibâ na te te dama 're anhomri u'âsi”. Tahawa te ta hawim haré da te ãma 're romnhisi za'ra, ãne: “Uburé Danhib'apito, tite ẽtẽ ãma marĩ ibâ na te te dama 're i'anhomri u'âsi mono” na.

Zenezi 35:14

Tahawa Zaco, 'Re ihâimana u'âsi mono te te tãma inharĩzéb ãma, ma tô ẽne itõmo waré hã 'mai'â, hâiwi te te sãrĩ da. Ta hã 'Re ĩhâimana u'âsi mono te da, te te tãma pisutu wa, ma tô duré uwa 'rãi wa'u isé hã, duré azeitona 'rãi wa'u to hã isisiwimhã sa'wa.

Ezodu 17:15

Tawamhã Mozési, ma tô ẽtẽ za'ra hã 'manha. Tahawa, ma tô ãne sisi: “Uburé Danhib'apito, dasi'wapé da, zazahâi waré hâimo isipra tẽme 're idasito mono ne, te ĩnhiptetezé hã ĩma tihâiba.”

Zezusihi zadawa wasuꞌuꞌwa norĩ nhimiromhuri na robꞌuiꞌéré 26:22

Tane nherẽ, 'Re ihâimana u'âsi mono hã ma tô te te 're ĩpawaptob u'âsi. Tahawa, ã bâtâ na ĩhâiba ré, wa zahadu 're ĩhâimana. Tahawa, zahadu wa nasi dama sadawa wasu'u, dama iwapu norĩ ma, duré dama ipire norĩ ma zama. Uburé Mozésihi nhimirowasu'u zarina, duré 'Re ihâimana u'âsi mono zadawa 'mahârâ 'rata 'wa norĩ nhimirowasu'u zarina, wa tô te dama 're sadawa wasu'u. Ĩnhimizadawa wasu'uzém na ãma ĩsipai õ di. Romhâ ré ma tô ta norĩ hã te te dama 're wasu'u za'ra, ãne:

2 Corĩtu 1:10

Ta hã ma tô wanho'reptu tô, wadâ'âzém hawi, wa te wasina romnhimimnhasi uptabi nherẽ. Taha zarina, te za te te 're wanho'reptu duré, wazada 're iromhâimana wasété mono zém hawimhã. Tahawa, wama umnhasi uptabi di, 'Re ihâimana u'âsi mono hã te te 're iwanho'reptui mono da hã.

Zozué 4:9

Tawamhã Zozuéhé zama ma tô 12 na ẽne hã Zodã pa â wa'wa ãmamhã dame sa'ra, sasedoti norĩ, wedehâ're 'manharĩ te te siwi âri wa, iré isimizahâri za'ra zéb ãma. (Ta hã ẽne te zahadu 're simi'wara.)

1 Samuéu 14:35

Tawamhã Sau hã ma tô oto ẽne hã sa'ra sisiwipsi, Uburé Danhib'apito ma, ãma tãma 're idanhoprub za'ra mono zéb da hã. Ãne hã imorĩ'rata na ma tô ẽtẽ za'ra sisiwipsi hã 'manha.

1 Samuéu 4:1

Tawamhã Izaraéu nhihudu norĩ hã taha bâtâ na hã ma tô wairé, filisteu norĩ te te 'wapé za'ra da hã. Tawamhã ma tô sima 'ri nhoré za'ra, Ebeneze na romnhisi ãma. Duré ma tô filisteu norĩ hã sima 'ri nhoré za'ra, Afeca na 'ri nho'õmo nhisi ãma.

1 Samuéu 5:1

Tawamhã filisteu norĩ 'Re ihâimana u'âsi mono nhimiroti ré wedehâ're te te siwi âri parimhã, ma tô oto siwi ti'â Ebeneze na romnhisi hawi, 'ri nho'u Asidodi na isisi u.

1 Samuéu 7:11

Tawamhã Izaraéu nhihudu norĩ hã ma tô wairé Mispa hawimhã si'aba'ré da, filisteu norĩ zarina, Bete-Ca na 'ri wa'õtõ nhisi u. Tawamhã duré oto isarina za'ra si'aba'réi wamhã, ma tô te te simro, bâdâdi na.