1 Samuéu 7:10 - ꞌRe Ihâimana Uꞌâsi Mono Zadawa Wasuꞌu

¹⁰ Tawamhã Samuéu, 'Re ihâimana u'âsi mono ma tinhimizama zata na tãma sõprub ré, ma tô filisteu norĩ hã te te sina rotété, te te 'wapé za'ra da, Izaraéu nhihudu norĩ hã. Tane nherẽ, ma tô Uburé Danhib'apito hã hâ za'ra, tãirãrã'ã ne na. Tahawa, ma tô õne haré niha tihâimana za'ra. Ma tô duré oto siwa'ru rom na sisa're.

1 Samuéu 7:10 ပူးပေါင်းရင်းမြစ်များ

Salmu 78:66

Õ hã ma tô tinhitob'ru norĩ ma sisa'rei mono da hã, duré da te ãma 're ai'uté za'ra mono wa, õne u'â tãma rowazép sina 're hâimana za'ra mono da, tãma 'manharĩ za'ra.

Zozué 10:10

Tawamhã Uburé Danhib'apito, amoreu norĩ 'rãi waihu'u ãna hâimana za'ra da hã ma tô tãma 'manharĩ za'ra. Ãne ma tô apito norĩ ãmamhã Izaraéu nhihudu norĩ hã ãma ai'uté za'ra, Gibiã ãma. Bete-Horõ nho'õmo bâdâdi i'rãsipra na isarina sisa'rei mono sina, ma te te pãrĩ, Azeca na 'ri nho'õmo nhisi u bâdâdi na, duré Maqueda na 'ri nho'õmo nhisi u bâdâdi na zama.

Zuize 4:15

Tawamhã Baraqui, tite da'wapéi 'manharĩ'wa norĩ ré te te oto susi za'ra wamhã, ma tô Uburé Danhib'apito, Siseraha te dasi'wapéi 'manharĩ'wa norĩ wa'wamhã duré wedewara zapore na isisa'rei mono norĩ wa'wamhã i'rãiwaihu'u'õ na tãma rob'manharĩ za'ra. Tahawa Sisera, tite wedewara zapore hawimhã ma tô si'aba'ré na si'ra. Te te si'rai wamhã, ma tô para na oto dawi wara, simani da.

Zuize 5:20

Wasi norĩ zama te ãhã wamhã, ai'wapé za'ra. Hâiwa na 're siwa'rãmi za'ra mono ré, ma tô Sisera siwi 'wapé.

Zuize 5:8

Izaraéu nhihudu norĩ, ihâiba'õ norĩ si te te sima ipisutu za'ra zarina, ma tô ite za'ra ti'ai wa'õtõ nho'õmo 'remhã dasi'wapé hã 're pusi. Ãhã wa, Izaraéu nhihudu si'aibâ norĩ 40 miu na ihâiba za'ra hã, danho'utu ubuzé hã duré isi'uwazi 'rã'wa hã te te siré 're 'wasari mono õ di.

1 Samuéu 12:17

Ãhã na hã wahum na wa wahâimana za'ra ni. E amnho trigu hã da te tehâri mono õ di za bété, ãhã na hã. Tahawa, wa za mre, Wanhib'apito ma tãirãrã'ã ma, we te te rob'ru da, duré tãi ma. Tawamhã ãne hã a norĩ wa'wa hã 'madâ'â za'ra wa'aba wamhã, te za iwaihu'u za'ra wa'wa, aiwasédé sa'ẽtẽ na 'Re ihâimana u'âsi mono wi i'manharĩ za'ra wa'aba zém na hã, asima iwẽ za'ra wa'aba zarina, aimawi apito hã waptẽrẽ za'ra wa'aba wa.

1 Samuéu 14:15

Tahawa, ma tô filisteu norĩ uburé te te sima i'ri nhoré za'ra zéb ãma ihâimana za'ra hã tipẽ'ẽwara pese za'ra. Dasi'wapéi 'manharĩ'wa norĩ, pahi wa te duré tirẽrẽ'ẽ za'ra. Tawamhã ti'a zama te duré sa'ẽtẽ popo. Tahawa, rowaihu'u'õ na hã, ma tô tiromhâiba.

1 Samuéu 2:10

Uburé Danhib'apito nhitob'ru norĩ hã te za 're si'utõrĩ. Tãiwapsa'a na ne, te za sada 're hâimana za'ra, hâiwa hawimhã. Uburé Danhib'apito hã te za dapoto mono bâ te te dama 're arowairébé, dahâimanazém na te te 're ida'awaihu'u mono zéb zarina. Duré tinhiptetezé hã te za tãma tisõ, Danhib'apito da, te te ipisutu ma hã. Te za duré tãma tisõ, te te da'ãma i'ai'utézéb da hã, Danhib'apito te te ipisutu ma hã.

1 Samuéu 7:11

Tawamhã Izaraéu nhihudu norĩ hã ma tô wairé Mispa hawimhã si'aba'ré da, filisteu norĩ zarina, Bete-Ca na 'ri wa'õtõ nhisi u. Tawamhã duré oto isarina za'ra si'aba'réi wamhã, ma tô te te simro, bâdâdi na.