1 Samuéu 7:1 - ꞌRe Ihâimana Uꞌâsi Mono Zadawa Wasuꞌu

¹ Tawamhã aibâ norĩ, 'rinho'u Zearĩ ãma 're ihâimana za'ra mono norĩ hã ma tô ai'aba'ré, Uburé Danhib'apito nhimiroti ré wedehâ're hã te te siwi âri da. Tawamhã ma tô siwi ti'â. Duré te te siwi âri wamhã, ma tô siwi tihi Abinadabi na aibâ nhisi nhorõwa ãma ẽtẽ'rãirã nhisiwi 're isa mono ãma. Tawamhã Eriazaha 'ra hã ma tô sada pisutu za'ra, 'Re ihâimana u'âsi mono nhimiroti ré wedehâ're hã te te 're i'madâ'â mono da hã.

1 Samuéu 7:1 ပူးပေါင်းရင်းမြစ်များ

Salmu 132:6

Asimiroti na rob'ui'éré ré wedehâ're 'manharĩ, Efrata ãma isam na, wa te waihu'u za'ra wamhã, wa tô duré Zearĩ na itehutu wamri ãma wasiwi sõpẽtẽ ni.

Zozué 9:17

Tahawa Izaraéu nhihudu norĩ ma tô 'ri nhoré hawi wairé. Wairébé wamhã, ma tô si'ubdatõ bâtâ parip si aihutu, Gibiã norĩ te 'ri nho'õmo u, ãne iwamri norĩ 're ihâimana za'ra mono zéb u hã, Gibiã, Cefira, Be'erote, duré Quiriate-Zearĩ.

1 Samuéu 6:21

Tahawa, ma tô romreme 'wapéi'wa hã satõrĩ za'ra, Zearĩ ãma 're idahâimana za'ra mono norĩ ma, te te rowasu'u za'ra da, ãne: — Filisteu norĩ hã ma tô we apâ siwi tisõ Uburé Danhib'apito te, wedehâ're hã. Tahawa, we ai'aba'réi wa'aba ãwa, wedehâ're hã asiwi âri aba da.

1 Samuéu 7:2

Tawamhã 'Re ihâimana u'âsi mono te, wedehâ're hã ma tô 're sa'wari hâ, 'rinho'u Zearĩ ãmamhã, 20 na ãma iwahum na. Tame 're sa'wari hâ mono ré hã ma tô Izaraéu nhihudu norĩ hã tãma 're mreme zusi, Uburé Danhib'apito ma hã, te te 're pawaptob za'ra mono da.