1 Samuéu 6:16 - ꞌRe Ihâimana Uꞌâsi Mono Zadawa Wasuꞌu

¹⁶ Tawamhã imrotõ na filisteu norĩ te, i'rãnho'õmo norĩ hã ma tô ãne hã uburé marĩ hã 'madâ'â za'ra, Bete-Semesi ãma 're ihâimana za'ra mono norĩ te te i'manharĩ za'ra zé hã. Taha pari, ma tô oto ai'aba'ré apâ, taha bâtâ na, Ecrõ u hã.

1 Samuéu 6:16 ပူးပေါင်းရင်းမြစ်များ

Zuize 16:5

Tawamhã imrotõ na 'ri nho'õmo 're, filisteu norĩ ma i'rãnho'u 're ihâimana za'ra mono norĩ hã ma tô pi'õ tẽmemhã ai'aba'ré, te te tãma nharĩ za'ra da. Ãne te tãma nharĩ za'ra: — Ma'ãpé niha hã ai'rã nhipese na Sãsãhã ma, marĩ hã 'manharĩ, nima hawim na tinhiptetezé te te aima wasu'u da, taha zarina wa te waihu'u za'ra wa, oto sô wanhisisi wa, wa te wasiwi paihi wasisi da, si'wawimhã simapa ãna. Ãne sena 'manharĩ wamhã, wahâiba mono bâ wa za ẽtẽ waipo prã prata 1.100 na isapotore na aima sõmri za'ra ni za.

Zuize 3:3

Tawamhã a'uwẽ norĩ, ti'ai hawi da te isate mono õ norĩ hã, ãne: Filisteu norĩ te, 5 na 'ri nho'õmo ãma 're ihâimana za'ra mono norĩ hã, uburé cananeu norĩ hã, Sidõniu norĩ hã, duré heveu norĩ ẽtẽ nhisi Libanu ãmamhã, Baau-Hermona na ẽtẽ nhisi hawi, Hamati na romnhisi hâimo inomro u hã.

1 Samuéu 5:10

Tahawa, ma tô duré siwi tisõ 'Re ihâimana u'âsi mono te. wedehâ're hã, 'rinho'u Ecrõ na isisi u hã. Tawamhã duré tamomo te te siwi ãwisi wamhã, ma tô tame 're idahâimana za'ra mono norĩ hã dahârâ 'rãihâ na 're dahãsi, ãne: — Izaraéu nhihudu norĩ te, 'Re ihâimana u'âsi mono nhimiroti ré wedehâ're hã ma tô we dasiwi ãwisi ni ãwamhã. Ma tô õ norĩ hã sima wẽ za'ra, te te wa'uprosi da!

1 Samuéu 6:12

Tawamhã powawẽ norĩ hã awa'awi na ma tô wedewara zapore hã sari zahuré, iré za'ra, 'rinho'u Bete-Semesi na isisi u bâdâdi hã inomro na. Tawamhã hârâ sina te sa praba zahuré, sipa zahuré ãna bâdâdi nhiti. Tawamhã imrotõ na filisteu norĩ te, i'rãnho'õmo norĩ hã ma tô isarina ai'aba'ré, 'rinho'u Bete-Semesi ti'a zada'ré u si.

1 Samuéu 6:4

Tawamhã filisteu norĩ hã te ãma sadanharĩ za'ra ãne, danhoprubzém na hã: — E marĩ wa za wanhoprubzé wasiwi sõmri ni, wawasété wa'âbâzéb da hã. Tawamhã ma ãma dazada'âbâ za'ra ãne sasedoti norĩ hã, marĩ 'manharĩ waihu'u nhipese'wa norĩ me hã: — Te za asiwi isõmri 'wa, imrotõ na dahâ 'rowi da'wa're tob'mai'ã si na ẽtẽ waipo pré oru na i'manharĩ hã, duré imrotõ na 'rure oru na i'manharĩ hã, filisteu norĩ te i'rãnho'õmo hâiba za'rata zarina. E marĩ wa. Imrotõ na i'rãnho'õmo norĩ hâiba zô marĩ ipipa hã watobro wa, asô iwatobro za'ra wa'aba ne hã.