1 Samuéu 6:12 - ꞌRe Ihâimana Uꞌâsi Mono Zadawa Wasuꞌu

¹² Tawamhã powawẽ norĩ hã awa'awi na ma tô wedewara zapore hã sari zahuré, iré za'ra, 'rinho'u Bete-Semesi na isisi u bâdâdi hã inomro na. Tawamhã hârâ sina te sa praba zahuré, sipa zahuré ãna bâdâdi nhiti. Tawamhã imrotõ na filisteu norĩ te, i'rãnho'õmo norĩ hã ma tô isarina ai'aba'ré, 'rinho'u Bete-Semesi ti'a zada'ré u si.

1 Samuéu 6:12 ပူးပေါင်းရင်းမြစ်များ

Ezodu 8:15

Tawamhã apito, uti zarãpré dâ, te te a'madâ'â wamhã, ma tô duré tipẽ'ẽ tete na tihâimana na hã apâ ãma uzusi, Uburé Danhib'apito te te iwaihu'uzéb zarina. Mozési norĩ Arãhã me, te te tiwi irowaptẽrẽ zahuré hã te te wapari õ di.

1 Samuéu 6:11

Tawamhã ma tô siwi tisẽ wedewara zapore 'remhã, Uburé Danhib'apito nhimiroti ré wedehâ're hã. Tawamhã isiré da hã ma tô duré siwi tisẽ isababa wedehâ're hã oru na 'rure 'manharĩ ré hã, duré da'wa're tob'mai'ãsi na romhâibarĩ ré hã.

1 Samuéu 6:13

Tahawa, Bete-Semesi ãma 're idahâimana za'ra mono norĩ hã ma tô amnho trigu hã te te tehâri, ẽtẽ siwa'aba wa buru ãma. Tawamhã taha ré 'Re ihâimana u'âsi mono te, wedehâ're hã te te siwi 'madâ'â wamhã, ma tô 're to za'ra, iwẽ te.

1 Samuéu 6:9

Ma'ãpé aipo're pese za'ra wa'aba. Powawẽ norĩ wedewara zapore hã 'rinho'u Bete-Semesi nho'õmo te te sari zahuré wamhã, ã hã te wasu'u, Izaraéu nhihudu norĩ te, 'Re ihâimana u'âsi mono hã ipire na te te iwahâ za'ra zé. Duré ãnei õ wamhã, te te isari zahuré zé hã, wa za wa norĩ hã waihu'u za'ra ni, õhõ nhimihâzéb õ na hã, da'wa're na hã, tô sapa'abâ wa'ãma iwairébé mono na hã.