1 Samuéu 5:8 - ꞌRe Ihâimana Uꞌâsi Mono Zadawa Wasuꞌu

⁸ Tahawa, ma tô sô 'mazatõrĩ za'ra romreme 'wapéi'wa norĩ hã, filisteu norĩ te 5 na dama i'rãnho'õmo norĩ zô, si'rã'õtõ da, te te siwi ãma sadanharĩ za'ra da, ãne: — E marĩ, wa za ãma 'manharĩ za'ra ni, Izaraéu nhihudu norĩ te, 'Re ihâimana u'âsi mono nhimiroti ré wedehâ're na hã. Tawamhã ma tô ãma dazada'âbâ za'ra ãne: — Asiwi âri aba, 'rinho'u Gati na isisi u! Tahawa, te oto filisteu norĩ hã tamomo siwi ti'â.

1 Samuéu 5:8 ပူးပေါင်းရင်းမြစ်များ

1 Samuéu 17:4

Tawamhã Gulia na aibâ isisi hã 'ri'ahâ Gati hawimhã ma tô watobro, filisteu norĩ te te sima i'ri nhoré za'ra zém hawi, Izaraéu nhihudu norĩ zô hârâ wa te te siwi 'wapé da hã. Taha 'rãihâ pibuzé hã 3 metru u.

1 Samuéu 17:52

Tawamhã dasi'wapéi 'manharĩ'wa Izaraéu norĩ hã, duré Zuda norĩ dasi'wapéi 'manharĩ'wa zama ma tô isarina sisa're, hârâ sina. Tahawa, ma tô te te wano'õ 'ri'ahâ Gati na isisi u, duré 'ri'ahâ Ecrõ na isisi ãma 'ridawa za'ẽtẽ na, 're idanhisisi mono zéb u. Tawamhã Sa'ara'ĩ na 'ri'ahâ nhisi u bâdâdi inomro na te filisteu norĩ i'u'a za'ra mono hã simi'wara, 'ri'ahâ Gati na isisi tẽme, duré 'ri'ahâ Ecrõ na isisi tẽme.

1 Samuéu 29:6

Tawamhã Aqui hã ma tô sô hâ Dawihi zô. Tahawa, te ãne tãma tinha: — Uburé Danhib'apito idâ'â'õ nhisi na wa tô sena na ai'ãma waihu'u ãne: A hã sena na ma tô ĩma ai'umnhasi na ĩma 're aihâimana mo. Duré ĩma rowẽ uptabi di za, ĩsiré ai'wapéi wamhã, dasi'wapéi u hã. Niwamhã marĩ na i'upazém na hã te ai'madâ'â õ di, ĩtẽme aiwisizém hawim haré, ã bâtâ u hã. Tane nherẽ, filisteu dama i'rãnho'õmo norĩ ma hã aiwẽ za'ra õ di.

1 Samuéu 5:11

Tawamhã ma tô romreme 'wapéi'wa norĩ hã 'mazatõrĩ za'ra, uburé filisteu norĩ ma i'rãnho'õmo norĩ ma, te te tãma nharĩ za'ra da, ãne: — Apâ asiwi sõmri aba, Izaraéu nhihudu norĩ te, 'Re ihâimana u'âsi mono nhimiroti ré wedehâ're hã 're isa mono zéb u, te te wa'uprosi tõ da, duré wa'ra norĩ hã te te wawi sõ'rebzâri tõ da. Ãne ma tô tãma nharĩ za'ra, tamemhã 'Re ihâimana u'âsi mono nhimihâzé ipire na da'ahâ na 'ri nho'õmo 'remhã dasi'utõrĩ wa.

1 Samuéu 5:7

Tawamhã ãne hã 'rinho'u Asidodi ãma 're ihâimana za'ra mono norĩ te te 'madâ'â za'ra wamhã, ma tô nharĩ za'ra, ãne: — Izaraéu nhihudu norĩ te, 'Re ihâimana u'âsi mono hã ma tô wahâ za'ra. Wate za'ra ihâiba'õ hã ma tô duré azâ, Dagõ na isisi hã. Tahawa, wa te wasiwi tété õ di za, Izaraéu nhihudu norĩ te, 'Re ihâimana u'âsi mono nhimiroti ré, wedehâ're hã ãme inomro da hã, wa'ratab za'ra.

1 Samuéu 6:2

Tahawa, ma tô tite sasedoti norĩ zô tihârâ za'ra, duré marĩ 'manharĩ waihu'u nhipese'wa norĩ zô zama. Tawamhã sô hârâ za'ra wa, itẽme sihutu wamhã, te ãne ãma sadanharĩ za'ra: — E marĩ wa za ãma 'manharĩ za'ra ni, Uburé Danhib'apito te, wedehâ're na hã. Duré apâ ihâimanazéb u wa te wasiwi sõmri da wamhã, e marĩ, wa za isiré wasiwi sõmri ni.