1 Samuéu 4:7 - ꞌRe Ihâimana Uꞌâsi Mono Zadawa Wasuꞌu

⁷ ma tô filisteu norĩ hã oto tipahi za'ra. Tahawa, te ãne sima nharĩ za'ra: — Ihâiba'õ hã ma tô 'maiwi, Izaraéu nhihudu norĩ te te sima i'ri nhoré za'ra zéb u hã. Wa za ai'utõrĩ ni! Niwamhã ãne hã wama romhâimana za'ra õ di!

1 Samuéu 4:7 ပူးပေါင်းရင်းမြစ်များ

Ezodu 14:14

A norĩ wa'wa, marĩ hã 'manharĩ za'ra wa'aba dai õ di. Uburé Danhib'apito si te za ai'ãma ai'wapé za'ra wa'wa.

Ezodu 14:25

Tahawa, wedewara zapore na dasi'wapézé hã sisa'rei waihu'u õ di. E marĩ wa. 'Re ihâimana u'âsi mono, ti'ai wai'o na para nhisisi da, te te tãma 'manharĩ za'ra wa. Tawamhã te ezipsiu norĩ nharĩ za'ra ãne: — Oto Izaraéu nhihudu norĩ hawimhã wasisa'rei wa'aba mono! Uburé Danhib'apito, te ihâiba za'ra u'âbâ hã wazada tihâimana za'ra.

1 Samuéu 4:6

Tawamhã filisteu norĩ, Izaraéu nhihudu norĩ hârâ te te wapari za'ra wamhã, ma tô sima 'mahârâ za'ra, ãne: — Ma'ãpé wapari za'ra wa'aba, hebreu norĩ hârâ hã te te sima i'ri nhoré mono zéb ãmamhã. E marĩ wa merẽ. Tawamhã hebreu norĩ hã Uburé Danhib'apito te, wedehâ're 'manharĩ hã te te sima i'ri nhoré mono zéb u te te sitẽme i'ãwisi za'ra na te te oto waihu'u za'ra wamhã,

1 Samuéu 4:8

Wa za ai'utõrĩ ni! E 'wa te za bété wa'anho'reptu, ihâiba'õ isiptete norĩ wi hã. Ihâiba'õ norĩ hã ezipsiu norĩ ma tô te te a'wapé a'ubuni wimhã, sipu'u pese na rob'manharĩ wasété na hã.