1 Samuéu 4:20 - ꞌRe Ihâimana Uꞌâsi Mono Zadawa Wasuꞌu

²⁰ Tahawa, oto idâ'â da si, Finezaha mro hã. Tahawa, pi'õ ai'uté te te isapari za'ra norĩ hã te ãne tãma nharĩ za'ra: — Ma'ãpé asiptete! Ai'uté ma aima podo, 'watébrémi na. Tane nherẽ, imreme za'ra zô hã sipi'rai õ di. Duré te te sada'âbâ za'ra õ di ãma.

1 Samuéu 4:20 ပူးပေါင်းရင်းမြစ်များ

Zenezi 35:16

Tawamhã Zaco norĩ ma tô Bétéu hawimhã oto wairé. Duré Efrata na 'ri wa'õtõ nhisi u 'râwi te te oto sina rotété za'ra wamhã, ma tô oto Raqueu ãma iwasã hã sépu. Tahawa, te sépata hâ pese.

Zuwã 16:21

Pi'õi ãma te za iwasã hã 're sépu'u za'ra, tãma 're irere'e mono zéb u hã, romhuture wa oto. Tãma 're rere'e mono parip si, tãma 're rowẽ za'ra mono di za oto, ina ma. Tahawa, tihâzé na hã te te 're rosa'rata u'âsi za'ra mono õ di za oto.

1 Samuéu 4:19

Tawamhã Erihi sani'wa, Finéaha mro wasã ré te nhamra. Duré oto tãma ipoto da si. Tawamhã ma tô waihu'u 'Re ihâimana u'âsi mono nhimiroti ré wedehâ're hã filisteu norĩ te te siwi i'âri na hã. Ma tô duré waihu'u, imaprewa Eri idâ'âzé hã duré imro zama idâ'âzé hã. Tahawa, ma tô ãma sépu, iwasã hã. Ma tô tãma podo oto, ai'uté hã.