1 Samuéu 4:19 - ꞌRe Ihâimana Uꞌâsi Mono Zadawa Wasuꞌu

¹⁹ Tawamhã Erihi sani'wa, Finéaha mro wasã ré te nhamra. Duré oto tãma ipoto da si. Tawamhã ma tô waihu'u 'Re ihâimana u'âsi mono nhimiroti ré wedehâ're hã filisteu norĩ te te siwi i'âri na hã. Ma tô duré waihu'u, imaprewa Eri idâ'âzé hã duré imro zama idâ'âzé hã. Tahawa, ma tô ãma sépu, iwasã hã. Ma tô tãma podo oto, ai'uté hã.

1 Samuéu 4:19 ပူးပေါင်းရင်းမြစ်များ

Zenezi 3:16

Tawamhã pi'õi ma, te duré oto tãma tinha ãne: — 'Re aiwasã mono sidâpâsi sa'ẽtẽ na 're robzépata mono da hã wa za aima pisutu. Tahawa ai'ra aima 're poto za'ra mono wamhã, te za sé uptabi na isé hã 're i'azépata mo. Ãhã nherẽ, te za aimro siré 're aihâimana mono da hã asima 're iwẽ u'âsi mo. Ta hã te za duré asib'apito na hã aima 're hâimana oto.

Zenezi 35:17

Tawamhã oto sa'ẽtẽ iwasã ãma sépu'u wamhã, te isapari'wa hã tãma tinha ãne: — Aipahi tõ. Aibâ na te za duré ai'ra hã aima podo.

Salmu 78:64

Tawamhã sasedoti norĩ sib'ézé 'wa pa na ma tô ai'utõ. Tahawa, i'amo aba norĩ hã ãma 'ru'ru waihu'u õ di.

1 Samuéu 4:18

Tawamhã Eri, 'Re ihâimana u'âsi mono nhimiroti ré wedehâ're te te siwi i'âri na te te wapari wamhã, ma tô waptãrã tinhamrazém hawi ba niwĩ, 'ridawa za'ẽne 'ri nho'õmo u 're idanhisisi mono zéb 'rata. Tawamhã oto ihi pese wa, duré hâipese wa, waptã'ã wamhã, ma tô butuhaihâ. Ma tô ai'utõ, õne haré. Eri hã ma tô i'rãnho'õmo na 're hâimana, Izaraéu nhihudu norĩ ma 40 na ãma iwahum na hã.

1 Samuéu 4:20

Tahawa, oto idâ'â da si, Finezaha mro hã. Tahawa, pi'õ ai'uté te te isapari za'ra norĩ hã te ãne tãma nharĩ za'ra: — Ma'ãpé asiptete! Ai'uté ma aima podo, 'watébrémi na. Tane nherẽ, imreme za'ra zô hã sipi'rai õ di. Duré te te sada'âbâ za'ra õ di ãma.