1 Samuéu 4:13 - ꞌRe Ihâimana Uꞌâsi Mono Zadawa Wasuꞌu

¹³ Tahawa, te Eri hã nhamra tinhamrazém na bâdâdi 'rata simipari sina. Tawamhã duré hâtâ'â uptabi di, 'Re ihâimana u'âsi mono te, wedehâ're 'manharĩ ãmamhã. Tawamhã aibâ hã te te oto dama rowasu'u wamhã, uburé 'ri nho'õmo 're, 're idahâimana za'ra mono norĩ hã ma tô tapahi pese za'ra ni. Ma tô duré ta'ru'ru ni, dawawa 'rãihâ na hã.

1 Samuéu 4:13 ပူးပေါင်းရင်းမြစ်များ

Zozué 7:9

Cananeu norĩ hã duré uburé ã hã ti'ai 're, 're idahâimana za'ra mono norĩ hã ãne na te te waihu'u za'ra wamhã, te za siwi wa'uirĩ. Duré te za tawamhã uburé siwi wa'uprosi za. Ãne wamhã, e marĩ te za asisi za'ẽtẽ ma ropibu ma hã i'manha.

1 Samuéu 1:9

Tawamhã nimahã bâtâ na saihuri pari, te Silo ãma asimro. Tawamhã Eri sasedoti 'Re ihâimana u'âsi mono ma da'ãma romhuri'wa hã te romhâ 'manharĩ na 'ri iwazéb zahi, 'ridawa ãma 're idanhisisi mono zéb ãma nhamra, romhâ 'manharĩ na 'ri iwazéb zahi 'ridawa ãma, tisimasisizém na.

1 Samuéu 4:14

Tawamhã Eri hã ma tô wapa, ida'ru'ruzé hã. Tahawa, te anha ãne: — E marĩ te ropupu'u. Tahawa, te aibâ hã itẽme wara, te te tãma rowasu'u da, Erihi ma.

1 Samuéu 4:18

Tawamhã Eri, 'Re ihâimana u'âsi mono nhimiroti ré wedehâ're te te siwi i'âri na te te wapari wamhã, ma tô waptãrã tinhamrazém hawi ba niwĩ, 'ridawa za'ẽne 'ri nho'õmo u 're idanhisisi mono zéb 'rata. Tawamhã oto ihi pese wa, duré hâipese wa, waptã'ã wamhã, ma tô butuhaihâ. Ma tô ai'utõ, õne haré. Eri hã ma tô i'rãnho'õmo na 're hâimana, Izaraéu nhihudu norĩ ma 40 na ãma iwahum na hã.