1 Samuéu 4:11 - ꞌRe Ihâimana Uꞌâsi Mono Zadawa Wasuꞌu

¹¹ Tahawa, ma tô filisteu norĩ hã siwi ti'â, 'Re ihâimana u'âsi mono nhimiroti ré wedehâ're 'manharĩ hã. Tawamhã ma tô dame tidâ'â zahuré Erihi 'ra norĩ Hopini norĩ Finéaha me hã.

1 Samuéu 4:11 ပူးပေါင်းရင်းမြစ်များ

Salmu 78:56

Tane nherẽ, Izaraéu nhihudu norĩ, 'Re ihâimana u'âsi mono danhipai u 're isãmra mono wi ma tô tiwi aipizari za'ra. Ma tô duré 'Re ihâimana u'âsi mono hã sihâimana waihu'u za'ra ãna sina siwi pibu. Tahawa, isimiroti hã te te 're wapari za'ra mono õ wa,

Salmu 78:64

Tawamhã sasedoti norĩ sib'ézé 'wa pa na ma tô ai'utõ. Tahawa, i'amo aba norĩ hã ãma 'ru'ru waihu'u õ di.

1 Samuéu 2:31

Ma'ãpé rob'madâ'â mono! Bâdâ iwa iwaptã'ãzé hã romhuture di oto wa hã za uburé ai'ra norĩ te isimrozéb da hã, duré aimama 'ra norĩ si'aibâ hã te isimrozéb da hã 'masi'ĩhi tõ da.

1 Samuéu 2:32

Ãne wa, te za aiwi tirowaihu'u'õ za nimahã na hã. Tawamhã te za taré duré ãma i'ruiwapari za'ra, Izaraéu nhihudu norĩ ma, za marĩ iwẽ te isõmri za'ra zém na hã. E marĩ wa. Ai'ra norĩ hã duré asihudu norĩ hã za 'masi'ĩhi õ wa.

1 Samuéu 2:34

Hopini norĩ hã Finéaha me maparane ai'ra norĩ hã te za siré tidâ'â zahuré, tô taha bâtâ na aipibuzém na sena na wa hã te nharĩ dâ'âsina.

1 Samuéu 3:12

Taha bâtâ na hã wa hã wa za tãma rob'manha, Erihi ma, uburé i'ra norĩ hâiba na te tãma iropisutuzéb zarina, isãna'rata hawimhã duré i'rãsutu u hã.

1 Samuéu 4:21

Tahawa, ma tô ina hã sisi 'watébrémi hã, Icabô na. Ãma isaprĩ hã ãne: “Izaraéu nhihudu norĩ nhipti'ai hawi 'Re ihâimana u'âsi mono nhamrazé iwatobrozém na hã.” Ãne ma tô pi'õ hã tinha, 'Re ihâimana u'âsi mono nhimiroti ré wedehâ're da te dasiwi i'âri na hã duré imaprebaba norĩ hã tiwi idâ'â zahuré na hã imro me.