1 Samuéu 31:4 - ꞌRe Ihâimana Uꞌâsi Mono Zadawa Wasuꞌu

⁴ Tawamhã Sau ma tô tãma isimnhi'ãsi 'wapéi'wai ma tinha ãne: — Ma'ãpé ĩzada wazere ate sib'ézé 'wapa hã ãma ĩwĩrĩ da, filisteu iwasété norĩ hã ĩ'ãma sima to za'ra tõ da, duré ta norĩ hã te te siwi ĩwĩrĩ tõ da. Tane nherẽ, isimnhi'ãsi 'wapéi'wa ma tô tipahi pese. Tahawa, te te sima wẽ õ di, ãne hã te te tãma i'manharĩ da hã. Tahawa, ma tô Sau hã tite sib'ézé 'wapa hã ti'â. Tawamhã si'uihâ na itẽme simei wa, ma tô oto 'râwi taha na sima apese.

1 Samuéu 31:4 ပူးပေါင်းရင်းမြစ်များ

Zuize 14:3

Tane nherẽ, imama norĩ, ina me hã ma tô ãne ãma sada'âbâ zahuré: — E marĩ da, ma tô filisteu nhipi'õ zô si asima i'aba mo, isihâiwata nhihâri'õ norĩ wa'wab zô. E bété wasiré a'uwẽ norĩ 'remhã wasiwadi norĩ nhipi'õ asima 'masãmri da hã asima 'maiwẽ õ di, ãma i'aimro da hã. Tawamhã Sãsã, te duré timama ma tinha ãne: — Õ hã azarudu wa tô ĩsima wẽ pese. Õhõ si ĩma iwẽ uptabi hã.

Zuize 9:54

Tawamhã iprédupté tãma isi'wapézé mrami'wa sa'ẽtẽ te te 'mahârâ wamhã, ma tô ãne tãma tinha: — Ma'ãpé asi'wa wazere, ãma ĩwĩrĩ da. Te ĩsima wẽ õ di, pi'õ te te ĩwĩrĩ na da te ĩ'ãma dasima 're irobzanhamri za'ra mono da hã. Tahawa, iprédupté tisi'wapézé i'wa pa ma tô sada waze. Te te sada wazere wamhã, ma tô taha na ãma wĩrĩ pese oto.

1 Samuéu 14:6

Tawamhã Zonata te aibâ iprédupté isi'wapézé âri'wai ma tinha ãne: — Oto wane na, filisteu norĩ, ihâiba'õ 'Re ihâimana u'âsi mono upa na ãma 're iwata za'ra mono norĩ 're ihâimana wasété za'ra mono te te sima i'ri nhoré za'ra zéb u. Ãté te za Wanhib'apito wapawapto. Te te wapawaptob da hã wamhã, wa te ãma i'ai'uté za'ra zéb da hã wa'umro nherẽ marĩ hã te te wawi sawi waihu'u za'ra õ di za.

1 Samuéu 17:26

Tawamhã te Dawi hã dasi'wapéi 'manharĩ'wa norĩ, i'rata isimasam norĩ hã sadanharĩ za'ra ãne: — E marĩ te za ni'wa hã ti'â, ã hã filisteu te te wĩrĩ wa, taha zarina Izaraéu nhihudu norĩ ma te te ropese wa, te te anho'reptui wamhã. E 'wa bété ãhã, filisteu ihâimana wasédé hã. E tô ibâ 'Re ihâimana u'âsi mono te dasi'wapéi 'manharĩ 'wa norĩ zô ihârâ zahi za'ra zé hã.

1 Samuéu 17:36

Wa hã hu'u zérépa te ipãrĩ ré hã duré ursu zama. Tane wa za duré tãma rob'manha, filisteu ihâimana wasété ma hã, 'Re ihâimana u'âsi mono te dasi'wapéi 'manharĩ'wa norĩ zô ihârâ zahi ma hã.

1 Samuéu 26:10

Sena na 're ihâimana u'âsi mono ne Wanhib'apito, tô sena te za tô taha si tiwĩ Sau hã, ite bâdâ hã tãma wisi wapsi, idâ'âzéb da hã, niha wamhã tô, dasi'wapéi u.

1 Samuéu 31:5

Tawamhã tãma isimnhi'ãsi 'wapéi'wa, Sauhu dâ'âzé te te 'madâ'â wamhã, ma tô taha zama 'râwi si'uihâ na tite sib'ézé 'wapa u hã sime. Tawamhã taha zama, ma tô duré isiré dârâ oto.