1 Samuéu 31:1 - ꞌRe Ihâimana Uꞌâsi Mono Zadawa Wasuꞌu

¹ Tawamhã filisteu norĩ hã ma tô Izaraéu nhihudu norĩ hã 'wapé za'ra ẽne Ziuboa na isisi ãma. Tahawa, ma tô Izaraéu nhihudu norĩ hã ahâ na uprosi ni, tame. Ni'wam norĩ si ma tô dawi aimani za'ra.

1 Samuéu 31:1 ပူးပေါင်းရင်းမြစ်များ

1 Samuéu 12:25

Tane nherẽ, marĩ 'manharĩ wasété na ãma 're uzusi za'ra wa'aba mono wamhã, te za tô ai'utõrĩ 'wa, asib'apito siré.

1 Samuéu 28:1

Tawamhã nimahãna si ma tô filisteu norĩ hã si'rã'õtõ dasi'wapéi 'manharĩ'wa norĩ hã, Izaraéu nhihudu norĩ te te 'wapé za'ra da hã. Tahawa, te Aqui hã tãma tinha ãne, Dawihi ma: — Ma'ãpé niha waihu'u za: Te za ĩsiré i'a'wapé, ate dasi'wapéi 'manharĩ'wa norĩ ré.

1 Samuéu 28:15

Tahawa, te Samuéu hã Sauhu ma tinha ãne: — E marĩ da, ma tô ĩzô irowasu. E marĩ da, ma tô ãne hã ĩma i'manha, apâ we ĩmorĩ da hã. Tawamhã Sau ma ãma tãma wa'rã ãne: — Ĩma ropire uptabi di ãhã na hã, filisteu norĩ hã te te siwi ĩ'wapéi u'âsi mono wa. Duré 'Re ihâimana u'âsi mono hã ma tô ĩma ai'ré, ĩme hâimana tõ da hã. Tahawa, marĩ na te te ĩzada'âbâ õ di, isadawa 'mahârâ'wa nhimirowasu'u na hã, duré ĩnhotõ 'rowim na hã. Tahawa, ãme ĩma rowasu'u da hã wa asô hâ, za marĩ te i'manharĩ da na hã.

1 Samuéu 28:19

Tahawa, te za a hã, Izaraéu nhihudu norĩ me, filisteu norĩ ma hã aihâiba nhomri za'ra wa'wa. Duré awẽmhã te za a hã ai'ra norĩ ré hã ĩsiré aihâiba. Tawamhã Izaraéu nhihudu norĩ te dasi'wapéi 'manharĩ'wa norĩ hã, te za hâiba nhomri za'ra filisteu norĩ ma hã.

1 Samuéu 28:4

Tawamhã ma tô dasi'wapéi 'manharĩ'wa norĩ filisteu norĩ hã si'rã'õtõ, te te sima 'ri nhoré za'ra da, 'ri'ahâ Sune na isisi 'rata. Tahawa, Sau ma tô Izaraéu nhihudu norĩ hã duré 'rã'õtõ, te te sima 'ri nhoré za'ra da, ẽne hã Ziuboa na isisi ãma.

1 Samuéu 29:1

Tawamhã uburé filisteu dasi'wapéi 'manharĩ'wa norĩ hã ma tô si'rã'õtõ, Afeca na 'ri nho'õmo nhisi ãma. Taha ré, Izaraéu nhihudu norĩ hã ma tô sima 'ri nhoré za'ra, Zezereu na ẽtẽ siwa'aba nhisi ãma, u siromo 'rata.