1 Samuéu 30:8 - ꞌRe Ihâimana Uꞌâsi Mono Zadawa Wasuꞌu

⁸ Tahawa, ma tô Dawi hã Uburé Danhib'apito hã sadanha ãne: — E we ãwa pi'uriwi waro wamnarĩ'wa norĩ zarina hã wa za mo. E tawamhã te sasãmri waihu'u pese za'ra di duré, te iwaibu da hã. Tawamhã ma ãne 'Re ihâimana u'âsi mono hã ãma sada'â: — Aimorĩ tô isarina za'ra hã. Tawamhã sasimri za'ra wamhã, da te isimroi mono norĩ hã te za isõ'reptu za'ra.

1 Samuéu 30:8 ပူးပေါင်းရင်းမြစ်များ

Zenezi 14:16

Tahawa, isitob'ru norĩ, marĩ te te aré tiwi i'wasari hã ma tô Abrã hã uburé apâ tiwi waibu za'ra, te te apâ 'wasari da. Tawamhã tizamarĩ'wai 'ra Loho zama ma tô apâ saprõ. Duré isimarĩ zama hã ma tô apâ tidu. Pi'õ norĩ zama ma tô duré apâ te te tãma simro. Duré isib'a'uwẽ tãma isi'mairẽme norĩ zama ma tô te te tãma simro apâ.

Salmu 91:15

Ta norĩ hã te te 're ĩ'mahârâ za'ra mono wamhã, wa za te 're azada'âbâ. Duré ropire 're, 're hâimana za'ra mono ré hã, wa za tô isiré 're ĩhâimana u'âsi za'ra. Ta norĩ te duré 're anho'reptui mono wamhã, dama wazé pese na 're hâimana za'ra mono da hã, wa za niha na te tãma 're ab'manharĩ.

Ezodu 15:9

Tahawa, te wanhitob'ru norĩ hã nharĩ za'ra ãne: “Isarina wasi'aba'réi wamhã, wa za wasiwi sasãmri za'ra ni za; tawamhã marĩ tãma ihâimana za'ra wa te tiwi iwaibu za'ra hã, te za uburé wama tihâimana za'ra. Tawamhã duré wate sib'ézé 'wa pa na hã wa za wasiwi uprosi ni za.”

Zuize 20:18

Tawamhã Izaraéu nhihudu norĩ, Bétéu ãma Uburé Danhib'apito ãma 're iwata za'ra mono zéb u ma tô ai'aba'ré. Si'aba'réi wamhã, ma tô ãne 'Re ihâimana u'âsi mono hã siwi sadanha: — E ma hã te za wate a'uwẽ norĩ imorĩ'rata na, Bẽzamihĩ nhihudu norĩ hã siwi 'wapé. Tawamhã Uburé Danhib'apito, ma te ãma sada'âbâ za'ra ãne: — Zudaha nhihudu norĩ.

Zuize 20:28

Tawamhã Finéa, Eriazaha 'ra, Arãhã nhihudu hã ma tô dasiwi pisutu ni wedehâ're te te 're i'madâ'â mono da hã.) Tawamhã ta norĩ te te siwi isadanharĩzé hã ãne: — E wa za duré wawairébé na sahu za'ra ni, wasisãnawã Bẽzamihĩ nhihudu norĩ wa te 'wapé za'ra da hã. Niha wamhã, e wa za oto mazahâri za'ra ni. Tawamhã Uburé Danhib'apito, ma te ãma sada'âbâ za'ra ãne: — Ma! Te za i'wapé za'ra wa'wa. E marĩ wa. Wa hã wa za oto asib'rata aima hâiba nhomri za'ra wa'wa.

Zuize 8:4

Tawamhã Gidiã tite aibâ norĩ 300 na ihâiba za'ra norĩ siré, wasutu uptabi za'ra nherẽ, õne haré tinhitob'ru zarina isisa'rei mono na te te ãma uzusi za'ra wa, ma tô oto panho'u Zodã pa u hã aihutu. Sihutu wamhã, ma tô taha pa na oto saprĩ za'ra.

1 Samuéu 10:22

Tahawa, te Samuéu Uburé Danhib'apito hã duré sadanha ãne: — E zahadu duré daré hã. Tawamhã 'Re ihâimana u'âsi mono ma ãma sada'â ãne: — Ĩhe, zahadu daré hã. Ma aima'u dawi, danhimarĩ wazari.

1 Samuéu 14:37

Tawamhã Sau, 'Re ihâimana u'âsi mono hã ma te a'â sadawa pibu ãne: — E filisteu norĩ zô wa za wazahutu za'ra, wa te susi za'ra da hã. E te za duré a hã ihâiba nhomri za'ra, Izaraéu nhihudu norĩ te te ãma ai'uté za'ra da hã. Tane nherẽ, tô taha bâtâ na te te ãma sada'âbâ õ di, 'Re ihâimana u'âsi mono hã.

1 Samuéu 23:2

Tahawa, te Uburé Danhib'apito hã sina sadanha ãne: — E wa za mo, te a'wapé da, filisteu norĩ hã. — Tô aimorĩ, a'wapé da filisteu norĩ hã, duré anho'reptu da, 'ri'ahâ Queira ãma, 're idahâimana za'ra mono norĩ hã. — Ãne ma ãma tãma wa'rã, 'Re ihâimana u'âsi mono hã.

1 Samuéu 23:4

Tawamhã Dawi, Uburé Danhib'apito hã ma duré isadanharĩ na ãma sahu. Tahawa, ma ãne ãma tãma wa'rã: — Mo oto aimorĩ Queira u, a'wapé da, za te aima sõmri wa, filisteu norĩ ãma i'ai'uté za'ra zé hã.

1 Samuéu 28:6

Tahawa, te Uburé Danhib'apito hã sadanha ãne: — Ĩnhib'apito, e marĩ, wa za 'manha. Tane nherẽ, 'Re ihâimana u'âsi mono hã te te ãma sada'âbâ õ di, sõtõ 'rowim na hã duré ẽne Urĩ na hã duré 'Re ihâimana u'âsi mono zadawa 'mahârâ'wa norĩ nhimirowasu'u na hã.

1 Samuéu 30:18

Tawamhã Dawi hã ma tô uburé sõ'reptu za'ra, da te isimroi mono norĩ hã, duré timro norĩ zama. Isibrob za'ra hã ma tô duré uburé apâ 'wasa, amalequita norĩ te te siwi iwaibu hã.

1 Samuéu 30:19

Sô 'mairobaba õ di. Dawi hã ma tô apâ uburé te te simro, isib'a'uwẽ 'ra si'aibâ norĩ hã, i'ra sipi'õ norĩ hã, uburé marĩ isa'ẽtẽ norĩ hã, duré isurure norĩ hã, amalequita norĩ te te aré siwi iwaibu hã, tiwi za'ra.