1 Samuéu 30:4 - ꞌRe Ihâimana Uꞌâsi Mono Zadawa Wasuꞌu

⁴ Tawamhã Dawi hã tite aibâ norĩ me, ma tô ti'ru'ru, isiptete si'utõrĩ za'ra zéb u.

1 Samuéu 30:4 ပူးပေါင်းရင်းမြစ်များ

Esdra 10:1

Tawamhã Esdra, 'Re ihâimana u'âsi mono nhorõwa 'ri nho're hi'rãtitõ sãmra sina, ma tô tãma mre, wawa sina, dawasété u'âbâ. Taha ré, ma tô Izaraéu nhihudu norĩ ahâ uptabi na imana wawimhã si'rã'õtõ, aibâ norĩ hã, pi'õ norĩ hã, duré ai'uté norĩ hã. Ma tô duré ta norĩ zama ti'ru'ru.

Zuize 2:4

Tawamhã Uburé Danhib'apito ma, hâiwa ãma romhuri'wa ãne na te te tãma waihu'u za'ra parimhã, ma tô uburé Izaraéu nhihudu norĩ hã ti'ru'ru.

Zuize 21:2

Tawamhã a'uwẽ norĩ Bétéu u ma tô ai'aba'ré, tame 'Re ihâimana u'âsi mono nho're da'ãma ihâiwahâ pese za'ra zéb u dasi'ubumro da. Tawamhã ta norĩ hã robzé te, wawa 'rãihâ na 'ru'ru wa,

1 Samuéu 11:4

Tawamhã dama romreme 'wapéi'wa norĩ te te isatõrĩ za'ra hã ma tô oto aihutu Zibea ãma, Sau 're ihâimana mono zéb u hã. Tame te te dama rowasu'u za'ra wamhã oto, ma tô aiwa'õ za'ra ni, dawawa 'rãihâ na hã.

1 Samuéu 30:3

Tawamhã Dawi tite aibâ norĩ me, tamomo apâ sihutu wamhã, ma tô 'ri'ahâ Zicradi ãma da te ãma isazu za'ra mono zé hã 'madâ'â za'ra. Duré ite pi'õ norĩ hã da te isimroi mono zé hã ma tô duré waihu'u za'ra, i'ra si'aibâ norĩ hã, duré i'ra sipi'õ norĩ hã.

1 Samuéu 4:13

Tahawa, te Eri hã nhamra tinhamrazém na bâdâdi 'rata simipari sina. Tawamhã duré hâtâ'â uptabi di, 'Re ihâimana u'âsi mono te, wedehâ're 'manharĩ ãmamhã. Tawamhã aibâ hã te te oto dama rowasu'u wamhã, uburé 'ri nho'õmo 're, 're idahâimana za'ra mono norĩ hã ma tô tapahi pese za'ra ni. Ma tô duré ta'ru'ru ni, dawawa 'rãihâ na hã.