1 Samuéu 30:23 - ꞌRe Ihâimana Uꞌâsi Mono Zadawa Wasuꞌu

²³ Tane nherẽ, ma Dawi hã ãma tãma wa'rãmi za'ra ãne: — Ĩsisãnawã norĩ, ãne hã 'manharĩ za'ra wa'aba õ di za, Wanhib'apito 'Re ihâimana u'âsi mono te te wama isõmri za'ra na hã. Õ hã ma tô wanho'reptu za'ra. Ma tô duré wapawaptob za'ra, wanhitob'ru norĩ ãma wa te ãma ai'uté za'ra da hã.

1 Samuéu 30:23 ပူးပေါင်းရင်းမြစ်များ

Zenezi 19:7

ma tô ãne dama tinha: — Ĩzawi na hã ĩsiwaihu'u norĩ, ma'ãpé ãne na aiwasédé 'manharĩ za'ra wa'aba tõ!

Zezusihi zadawa wasuꞌuꞌwa norĩ nhimiromhuri na robꞌuiꞌéré 22:1

Ãne te Paulu hã dama siwasu'u: — Ĩsiré norĩ, duré wamama norĩ, ma'ãpé ĩwapari pese za'ra wa'aba za. Wa za oto aima ĩsiwasu'u za'ra wa'wa, 're ĩhâimana mono zém na hã ĩwaihu'u za'ra wa'aba da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 7:2

Tawamhã Estewã ma tô tãma rob'rãzarõtõ za'ra, dahi'rata norĩ wasu'u na hã, ãne: — Wasiré Izaraéu nhihudu norĩ, duré wamama norĩ zama hã, ĩwapari za'ra wa'aba. 'Re ihâimana u'âsi mono hã, rowa'a na 're isãmra mono hã duréihã ma tô Abra'ãhã ma sihâi'ré, wahi'rata ma. Mezopotãmia na danhipti'a nho'õmo nhisi ãma 're sãmra mono ré, ma tô itẽme wi, zahadu Harã na 'ri nho'õmo nhisi u morĩ õ ré. Ãne te tãma tinha: “Ma'ãpé airom nhiti aiwatobro, asisãnawã norĩ nhiti aimorĩ da. Airop téb u wa za asaprõ, tame 're aihâimana mono da oto.” Ãne ma tô tãma roti.

Zuize 19:23

Tawamhã ihi rob u ma tô itẽme tiwatobro za'ra. Watobro wamhã, ma tô ãne tãma nharĩ za'ra: — Ĩsiwaihu'u norĩ, mare di! Ĩzawi na hã ma'ãpé iwasété uptabi hã 'manharĩ za'ra wa'aba tõ, aibâ ĩnhorõwa u iwisi ma, sõtõ da.

1 Samuéu 2:7

Wanhib'apito hã te duré te te dama 're apisutu, danhiptihai ãna 're dahâimana za'ra mono da hã, duré danhibro pese na 're idahâimana za'ra mono zéb da hã. Õhõ si te te dama 're apisutu, dawapu na 're idahâimana za'ra mono zéb da hã, duré dapire na 're idahâimana za'ra mono zéb da hã.

1 Samuéu 30:22

Tane nherẽ, ni'wam norĩ hã aibâ hã iwasédé Dawihi siré isi'aba'ré hã ma tô tãma nharĩ za'ra ãne: — Õ norĩ hã wame si'aba'réi õ di. Tahawa, marĩ we wa te i'wasari hã wa te tãma i'manhomri za'ra da hã mare di za. Timro norĩ si, duré ti'ra norĩ si te za tite mono bâ apâ hã te te waibu. Taha pari te za õne haré duré siré oto te te simro.

1 Samuéu 30:24

Ni'wa hã te te ãma asaze za'ra wa'aba dai õ di, iwaihu'u za'ra wa'aba zém na hã. Tahawa, wa za uburé wasima ãma wasipé za'ra, aiwapsi da. Tawamhã ni'wam norĩ daza'u danhimarĩ 'rata isi'ubumro norĩ hã te za duré aiwa ãma sima aipé za'ra, dasi'wapéi u isi'aba'ré norĩ me hã.

1 Samuéu 30:8

Tahawa, ma tô Dawi hã Uburé Danhib'apito hã sadanha ãne: — E we ãwa pi'uriwi waro wamnarĩ'wa norĩ zarina hã wa za mo. E tawamhã te sasãmri waihu'u pese za'ra di duré, te iwaibu da hã. Tawamhã ma ãne 'Re ihâimana u'âsi mono hã ãma sada'â: — Aimorĩ tô isarina za'ra hã. Tawamhã sasimri za'ra wamhã, da te isimroi mono norĩ hã te za isõ'reptu za'ra.