1 Samuéu 30:22 - ꞌRe Ihâimana Uꞌâsi Mono Zadawa Wasuꞌu

²² Tane nherẽ, ni'wam norĩ hã aibâ hã iwasédé Dawihi siré isi'aba'ré hã ma tô tãma nharĩ za'ra ãne: — Õ norĩ hã wame si'aba'réi õ di. Tahawa, marĩ we wa te i'wasari hã wa te tãma i'manhomri za'ra da hã mare di za. Timro norĩ si, duré ti'ra norĩ si te za tite mono bâ apâ hã te te waibu. Taha pari te za õne haré duré siré oto te te simro.

1 Samuéu 30:22 ပူးပေါင်းရင်းမြစ်များ

Mateu 7:12

— Marĩ iwẽ si da te aima 're 'manharĩ za'ra wa'aba mono da, asima 're idawẽ za'ra wa'aba mono ne, te za marĩ iwẽ si dama 're i'manharĩ u'âsi za'ra wa'aba mo, iwa'rãmi. Ãne duréihã 'Re ihâimana u'âsi mono nhimiroti na Mozési te te ãma irob'ui'éré hã te wama wasu'u za'ra, duréihã isadawa 'mahârâ'wa norĩ nhimi'ui'éré zama.

Zuize 19:22

Tawamhã pẽ'ẽ to sina te te sima robzanhamri za'ra ré, ma tô ni'wam norĩ aibâ iwasédé 'ri nho'õmo ãma 're ihâimana za'ra mono norĩ hã 'ri siwi uirĩ, iré za'ra. Tahawa, ta norĩ ma tô nasi siwi 'ridawa ta'a. Taha sina ma tô ihi hã duré nasi siwi 'mahâ ãne: — Wei wama wazere za'ra na rob u, aibâ asõrõwa u we isébré hã! Wa wasima wẽ za'ra ni, taha ãma wahâimana za'ra da.

1 Samuéu 22:2

Uburé aibâ norĩ tãma iropire za'ra hã, dama rowa'âbâ su'u õ 'wa norĩ, duré robzei ãna 're ihâimana za'ra mono norĩ hã ma tô uburé ai'rã'õtõ Dawi ihâimanazéb u hã. Tawamhã uburé ta norĩ ma, ma tô Dawi hã si'ĩ'rãnho'u, 400 na aibâ norĩ ihâimana za'ra ma.

1 Samuéu 25:17

Tahawa, ãne na rosa'rata wamhã, ma'ãpé asima rowairébé, marĩ 'manharĩ da hã. E marĩ wa. Iwasédé hã za oto watobro wa, wanhib'ihâ'a tẽmemhã, duré uburé i'ra norĩ tẽmeb zama. Õ hã wasété uptabi wa, ni'wa hã te te tãma irobzanhamri da hã waihu'u õ di.

1 Samuéu 25:25

Nabau hã waparire tõ. E tihai wa. Tiha dai õre di ta hã tarére hã. Tô ibâ õhõ nhisi te te iwasu'u hã: Isimiza'rese'õ. Duré wa hã tô te 'madâ'â za'ra õ di, aima romhuri'wa ãma isatõrĩ za'ra hã.

1 Samuéu 30:21

Tawamhã Dawi hã ma tô apâ mo, 200 na aibâ norĩ sadâ'â uptabi za'ra wa, ime isi'aba'réi õ norĩ u, Bezo na panho'õmo nhisi ãma isa'u isi'ubumroi u hã. Tawamhã ma tô aibâ norĩ hã wairé, Dawi norĩ hã, ite aibâ norĩ me, te te sõpẽtẽ za'ra da hã. Tawamhã Dawi ma tô 'râwi itẽme tiwisi za'ra. Tahawa, ma tô õne haré azawi, tinhib'a'uwẽ norĩ hã.

1 Samuéu 30:23

Tane nherẽ, ma Dawi hã ãma tãma wa'rãmi za'ra ãne: — Ĩsisãnawã norĩ, ãne hã 'manharĩ za'ra wa'aba õ di za, Wanhib'apito 'Re ihâimana u'âsi mono te te wama isõmri za'ra na hã. Õ hã ma tô wanho'reptu za'ra. Ma tô duré wapawaptob za'ra, wanhitob'ru norĩ ãma wa te ãma ai'uté za'ra da hã.