1 Samuéu 30:16 - ꞌRe Ihâimana Uꞌâsi Mono Zadawa Wasuꞌu

¹⁶ Tawamhã ma tô oto saprõ, Dawi hã. Te te saprõni wamhã, amalequita norĩ hã ti'ai mono bâ te te ropéi mono haré ma tô sõpẽtẽ za'ra. Filisteu norĩ wi, duré Zuda ti'ai ãma marĩ ahâ na te te dawi waibu za'ra wẽ te, te dato isa'ẽne hã sima 'manharĩ za'ra, mra te te ihuri na hã, duré â sipãrĩ te te i'âhuri na zama.

1 Samuéu 30:16 ပူးပေါင်းရင်းမြစ်များ

Ezodu 32:6

Tawamhã awẽm na mararé ma tô danhimizama zata na tãma ãma tanhoprub za'ra ni, duré danhoprubzé ãma idato za'ẽtẽ na zama. Taha pari dasaihuri da, duré da te simihâri za'ra da, ma tô asimro ni. Ma tô duré taha pari tawahutu za'ra ni, da te dasima romhu'u za'ra da hã, duré apâ.

1 Tesalonita 5:3

Sô 're danhimipari za'ra mono õ wa, te za isazei'õ'wa norĩ hã da te dasima 're rowasu'u za'ra, ãne: “Rowẽ na wa za oto 're wasi'ubumroi u'âsi, marĩ hã wazô 're wairébé mono ãna.” Ãne te za dasima da te 're rowasu'u za'ra, da te 're waihu'u za'ra mono õ wa. Ãne, da te dasima 're rowasu'u za'ra mono wapsi, awa'awi te za ropipa hã dazô 're wairébé, Wamama hã za te te dama irob'manharĩzém na hã. Tiwi dasimani waihu'u za'ra õ di za, pi'õi ma, i'ra tãma 're rere'e mono da, iwasã ãma 're sépu'u za'ra mono wa, ai'uté zépu'u wi tiwi 're isimani za'ra mono õ ne.

Zuize 8:11

Tawamhã Gidiã, bâdâdi rop si 're irosa'wari mono zada'réi baba ma tô mo, Noba na 'ri nho'õmo nhisi bâtâ pusizém niwĩ, duré Zobea na 'ri nho'õmo nhisi bâtâ pusizém niwĩ. Tahawa, tinhitob'ru dasi'wapéi 'manharĩ'wa norĩ hã simiza'rese ãna si'ubumroi ré, ma tô susi za'ra.

1 Samuéu 30:14

Wa norĩ hã wa te da'wapé za'ra da, wa tô asisi ni, quereti norĩ nhipti'ai u hã, duré Zuda na ti'a nhisi hâiwa nhimi'e niwĩb u hã, duré Calebihi nhihudu norĩ nhipti'ai u. Wa tô duré tawamhã ãma sazu za'ra ni, 'ri'ahâ Zicradi na isisi ãmamhã.

1 Samuéu 30:15

Tawamhã Dawi te tãma tinha ãne: — E tawamhã ĩzaprõni õ di za, amalequita norĩ ihâimana za'ra zéb u hã. Tawamhã aibâ iprédupté ma ãma tãma wa'rã ãne: — Marĩ õ di. Wa za tô asaprõ, a hã, 'Re ihâimana u'âsi mono nhisi na ĩwĩrĩ tõ da hã, duré ĩnhib'apito ma ĩhâiba nhomri tõ da hã, ĩma ropisutu wamhã.