1 Samuéu 30:12 - ꞌRe Ihâimana Uꞌâsi Mono Zadawa Wasuꞌu

¹² figuera 'rã i'ré hã, duré maparane i'ru 'ré na uwa 'rãi'ré prã 'manharĩ na i'u'ẽne hã. Si'ubdatõ mara na duré si'ubdatõ bâtâ na ma tô sai ãna tihâiba, iprédupté hã, duré â te te hâ'rẽne ãna hã. Tane nherẽ, sai parimhã, ma tô apâ isiptede hã tãma wi.

1 Samuéu 30:12 ပူးပေါင်းရင်းမြစ်များ

Zona 1:17

Tawamhã Uburé Danhib'apito hã ma tô tebe hã isa'ẽtẽ ma ti'ru, Zona te te sõmri da hã, hâiba wahuré. Tame, te si'ubdatõ bâtâ 're duré si'ubdatõ mara na, tepe za'ẽtẽ waihõ 'remhã tihâiba.

Mateu 27:63

Itẽme si'rã'õtõ wamhã, ãne te tãma nharĩ za'ra: — Apito, õ hã isadawa nhipe hã zahadu 're morĩ ré, dama 're isiwasu'u mono zém na wa tô ãma wapo're pu'u za'ra ni, ãhã na hã. Ãne te dama 're siwasu'u: “Bâdâ si'ubdatõ ĩ'ãma si'utõrĩ õ ré, wa za apâ hâiwa'udu.” Ãne dama 're isiwasu'u mono zé hã.

Zuize 15:19

Tawamhã 'ri nho'u Lei na isisi ãma 'Re ihâimana u'âsi mono, ma tô ab're hã 'ridawa. Tawamhã ta hawi, ma tô â hã puru tãma. Tawamhã Sãsã, ta hã â te te zâ'rẽne wamhã, ma tô apâ tãma i'rem nomro. Duré siptete di apâ. Tawamhã ta â pu'uzém nhisi hã En-Hacoré na ma tô da te 're wamri za'ra. Ta hã te ãhã na zama zahadu 're pu'u u'âsi.

1 Samuéu 14:27

Tane nherẽ, Zonata hã te te wapari õ di, imama Izaraéu nhihudu norĩ ma te te iwaihu'uzé hã. Tahawa, ma tô tinhib'rata wedehu te te 're i'âri hã, ropĩni zadawa u hã sô wẽ, te te ãma 'rãsutu di'i da, ropĩni na hã. Tawamhã ma tô oto upsõ suru na. Te te upsõmri wamhã, ma tô awa'awi niha na hã siwaihu'u tãma irowẽzém na hã.

1 Samuéu 30:11

Tahawa, Dawihi te aibâ norĩ hã ma tô a'ubuni wimhã siwi sõpẽtẽ, aibâ iprédupté ezipsiu hã. Ta hã ma tô siwi saprõ, Dawihi u hã. Tawamhã ma tô isa hã tãma sõmri za'ra, duré â hã,

1 Samuéu 30:13

Tawamhã te Dawi ãne sadanha: — E 'wa hã asib'apito. E ma hawimhã a hã. — Wa hã ezipsiu norĩ siré, amalequita na a'uwẽ wamri ma romhuri'wa ĩpawa'âbâ ãna. — Ãne ma te ãma tãma wa'rã, aibâ iprédupté, ezipsiu hã. Te duré tãma siwasu'u ãne: — Ĩnhib'apito hã si'ubdatõ bâdâ imorĩ 'remhã ma tô ĩrẽ ãmemhã, ĩhâzé wa.