1 Samuéu 3:9 - ꞌRe Ihâimana Uꞌâsi Mono Zadawa Wasuꞌu

⁹ Tahawa, te ãne tãma tinha: — Apâ te za aimo asimiwaptâ u. Te te duré ai'mahârâ na sahu wamhã, ãne sada'âbâ za: “E marĩ, Uburé Danhib'apito. Asib'a'uwẽ, ãhãta wa aiwapa.” Ãne ma tô Eri hã ãma tãma asanho, za te te tãma ãma iwa'rãmizém na hã. Taha pari, ma tô oto mo apâ, Samuéu hã tinhimiwaptâ u.

1 Samuéu 3:9 ပူးပေါင်းရင်းမြစ်များ

Ezodu 20:19

Tahawa, Mozésihi ma, te ãne tãma nharĩ za'ra ni: — A hã wama nharĩ za'ra wamhã, wa za wasiwi aiwapari ni, iwẽ na hã. Tane nherẽ, 'Re ihâimana u'âsi mono si te te wama nharĩ za'ra õ di za, wasi'utõrĩ tõ da.

Daniéu 10:19

Ãne te ĩma tinha: — 'Re ihâimana u'âsi mono ma hã tãma asawi uptabi di. Tahawa, aipahi tõ. 'Re ihâimana u'âsi mono hawi rowẽzé aima ihâimana da si iwẽ hã. Tahawa, sada asib'ru na! Duré asiptete na aihâimana! Ãne te te ĩma nharĩ wa, oto apâ ĩnhiptete wamhã, wa tô ãma sada'â ãne: — Ma'ãpé oto ãma ĩma rowasu'u na. A hã ĩnhiptede hã ma tô apâ ĩma isõ.

Zezusihi zadawa wasuꞌuꞌwa norĩ nhimiromhuri na robꞌuiꞌéré 9:6

Ma'ãpé ãhã na aiwahutu, 'ri nho'õmo u aimorĩ da. Tame te za ni'wa hã aima tinha za, marĩ 'manharĩ da hã.

Zozué 5:14

Tawamhã ma te ãne ãma tãma wa'rã: Mare di. Ta hãi õ di wa hã, duré nima niwĩ ĩhâimana õ, wa hã. Uburé Danhib'apito, 'Re ihâimana u'âsi mono te, dasi'wapéi 'manharĩ'wa norĩ 'madâ'â'wa wa hã, wa ãmemhã ĩhâiba. Tawamhã Zozué hi'rãtitõ ma tô tãma nhamra. Ti'ai u ti'ubu na ma tô duré ropto, ãma wata da. Tawamhã te ãne tãma tinha: — Ĩnhib'apito, asimiroti 'remhã wa ĩhâimana. E marĩ, wa za asima iwẽzé hã 'manha.

1 Samuéu 3:10

Tawamhã Uburé Danhib'apito ma tô oto itẽme mo. Tahawa, te oto i'rata za. Tawamhã iwana nasi te te i'mahârâ ne, ma tô duré 'mahâ, ãne: — Samuéu! Samuéu! Tawamhã Samuéu ma sada'â oto ãne: — E marĩ! Asib'a'uwẽ ãhãta wa aiwapa.

1 Samuéu 3:8

Tawamhã Uburé Danhib'apito te duré 'mahâ, Samuéu hã si'ubdatõ ãmamhã. Tahawa, ma tô duré udu wara sina. Tawamhã ma tô mo duré, Erihi za'warizéb u hã. Tahawa, te duré sadanha, ãne: — Ĩnhib'apito, e te ĩ'mahâ. Ĩ'mahârâ wamhã, ãhãta wa za, ai'rata. Tawamhã Eri ma tô oto waihu'u, Uburé Danhib'apito te te nasi i'mahârâ na hã, Samuéu hã.