1 Samuéu 3:2 - ꞌRe Ihâimana Uꞌâsi Mono Zadawa Wasuꞌu

² Eri hã te te rob'madâ'â pibui prã ti oto. Tahawa, nimahã mara na hã te oto nhono, tinhimiwaptâ ãmamhã.

1 Samuéu 3:2 ပူးပေါင်းရင်းမြစ်များ

Zenezi 27:1

Tawamhã Izaqui ma tô si'ihi pese oto. Tahawa te te oto rob'madâ'â waihu'u õ di, tob'a wa. Tawamhã nimahã bâtâ na ma tô ti'ra si'aibâ poto'rata zô hã hâ, Ezauhu zô. Te tãma tinha, ãne: — Ĩ'ra! — E marĩ ĩmama. Ãhãta ãme wa ĩhâiba. — Ãne ma te timama sada'â.

Zenezi 48:10

Tawamhã Zaco, isi'ihi pese zarina simirob'madâ'â nhib'uware di oto. Tahawa te te 'madâ'â wẽ zahuré õ di. Tawamhã Zuzé, ti'ra norĩ, ma tô 'râwi oto itẽme saprõni zahuré. Tahawa imama ma tô tinhihudu norĩ hã te te sitẽme ãma roptob zahuré sina tob'rata hârâ na sawi zahuré.

Zenezi 48:19

Tane nherẽ, Zaco te te sima wẽ'õ di. Tahawa te ãne tãma tinha: — Ĩ'ra, ĩma waihu'u pese di tô. Manaséhé nhihudu norĩ zama te za dama pire na 're hâimana za'ra. Tane nherẽ, ino hã te za pire na isipai u tãma 're hâimana. Duré isihudu norĩ hã te za a'uwẽ mono bâ sipu'u pese na 're sitébré ahâ za'ra.

1 Samuéu 2:22

Tawamhã Eri hã ma tô oto tihâiba prédu pese. Tawamhã ma tô te te 're wapari, i'ra norĩ uburé marĩ te te 're i'a'manharĩ zahuré mono zé hã Izaraéu nhihudu norĩ ma. Ma tô duré te te 're wapari, pi'õ norĩ ãma 're ihâimana wasété zahuré mono zém na hã, romhâ 'manharĩ na 'ri iwazéb zahi wa, 're idanhisisi mono zéb ãma, te te 're iromhuri za'ra mono norĩ ãmamhã.

1 Samuéu 4:15

Tawamhã Erihi ãma 98 na ãma iwahu hã. Tahawa, ma tô oto titob'a. Tahawa, te te oto rob'madâ'â waihu'u õ uptabi di.