1 Samuéu 3:19 - ꞌRe Ihâimana Uꞌâsi Mono Zadawa Wasuꞌu

¹⁹ Tawamhã Samuéu hã ma tô oto tiprédu. Prédu wamhã, ma tô Uburé Danhib'apito hã ime 're hâimana. Uburé marĩ hã te te 're ab'manharĩ mono da, te te tãma inharĩzéb zarina, ma tô ãma uwaimra, 'Re ihâimana u'âsi mono hã.

1 Samuéu 3:19 ပူးပေါင်းရင်းမြစ်များ

Zenezi 21:22

Tawamhã Abimelequi, tô taha bâdâ we isisõré mono na ma tô Abra'ãhã ma, te te robzanhamri da hã itẽme mo. Duré taha wamhã Fico, ite dasi'wapéi 'manharĩ'wa norĩ 'madâ'â'wa hã ma tô isiré mo. Tahawa te ãne tãma tinha: — 'Re ihâimana u'âsi mono, uburé marĩ 're i'ab'manharĩ mono zém na hã te we asiré 're hâimana.

Zenezi 28:15

Wa hã wa za asiré 're ĩhâimana u'âsi. Wa za duré ai'wawimhã 're ĩsimapa, nimomo 're ane mono sidâpâsi. Wa za duré ã hã ti'ai u we apâ ai'ãma siri. Te i'airẽme da hã mare di, uburé ĩnhimiropisutuzé te aima ãma i'uwaimramizéb u.

Zenezi 39:2

Tame Uburé Danhib'apito, Zuzéhé siré 're hâimana u'âsi mono wa, te uburé marĩ hã te te 're ab'manharĩ wẽ u'âsi. Tawamhã te oto tinhib'ihâ'a nhorõwa ãma 're sãmra, ezipsiu nhorõwa ãma.

Zenezi 39:3

Ãne wa, Zuzéhé nhib'ihâ'a ma tô ãma waihu'u, 'Re ihâimana u'âsi mono isiré 're hâimana mono wa, uburé marĩ te te 're i'ab'manharĩ wẽ mono na te te 're ipawapto mono na hã.

Luca 1:28

Tawamhã ma tô we itẽme wi, Mariaha u, hâiwa ãma romhuri'wa hã. Itẽme wisi wamhã, te tãma tinha, ãne: — Maria, rowẽ na 're aihâimana mono. 'Re ihâimana u'âsi mono, ma tô aiwẽsã, Wanhib'apito hã. Tahawa, te za aima tinhopru, iwẽ uptabi na.

Luca 1:80

Tawamhã 'watébrémi hã ma tô tiprédu. Duré ihâiba hã siptete di, prédu wamhã. Tiwasété wi 're siptete mono wa, 're morĩ wẽ di. A'ubuni wi, te ãhã wamhã oto 're sãmra. Bâdâ iwa waptã'ã wapsi, te za datẽme 're mo, te te dama 're sadawa wasu'u mono da, Izaraéu nhihudu norĩ ma hã.

Luca 2:40

Tawamhã ma tô tiprédu, 'watébrémi hã. Hâiba nhiptete di oto. Isimiroti hã wẽ uptabi di duré. 'Re ihâimana u'âsi mono te te 're pawapto mono wa, wẽ uptabi di, isimiroti hã.

Luca 2:52

Tawamhã ma tô oto tiprédu, Zezusi hã. Isimiroti hã wẽ uptabi di. Wẽ na 're morĩ wa, ma tô wẽsã, 'Re ihâimana u'âsi mono hã. Isiré zudeu norĩ hã ma tô duré wẽsãmri za'ra.

2 Corĩtu 13:11

Ĩsisãnawã norĩ, ĩnhimi'ui'éré na wa za oto aima ãma 'rãsutu za'ra wa'wa. 'Re aihâimana wasété za'ra wa'aba mono zé hã te za oto irẽme pese za'ra wa'wa. Te aima 're iroti za'ra wa'aba mono zé hã te za 're iwapari pese za'ra wa'aba mo. Tahawa, te za simisutu asimirosa'rata na 're asisazei pese za'ra wa'aba mo. Rowẽ na si asiré 're aihâimana u'âsi za'ra wa'aba mono da, te za duré asina 're irosa'rata wẽ u'âsi za'ra wa'aba mo. Ãne wamhã, 'Re ihâimana u'âsi mono hã isimizawi pe hã, te za 'râwi asiré 're hâimana u'âsi za'ra wa'wa, dama rowẽ nhomri'wa hã.

2 Timotiu 4:22

Timotiu, wa ĩsima aiwẽ, Wanhib'apito hã 'râwi aipẽ'ẽ 're, 're isãmra mono na, asina 're waihu'u u'âsi mono da. Duré 'Re ihâimana u'âsi mono wi, wa tô te tiwi 're waptẽrẽ u'âsi, isimizawizé hã uburé ai'ãma za'ra wa'aba 're hâimana u'âsi mono da.

Zuize 13:24

Tawamhã Manoaha mro zé're hawimhã oto ai'uté poto wamhã, ma tô sisi 'watébrémi hã Sãsã na. Duré 'watébrémi oto prédu wamhã, ma tô Uburé Danhib'apito iwẽ na hã te te 're pawapto.

1 Samuéu 10:7

Tawamhã ãne hã marĩ aima hâimana wamhã, uburé marĩ hã i'uwaibaba si 're ab'manharĩ mono za. E marĩ wa. 'Re ihâimana u'âsi mono hã za aime 're hâimana mono wa.

1 Samuéu 12:2

Tahawa, te oto asib'apito za'ra wa'aba na 're hâimana, te te 're i'ai'madâ'â za'ra wa'aba mono da hã. Tazahã, wa hã wa tô oto ĩhâiba prédu. Wa tô ĩnhi'a. Duré ĩ'ra norĩ hã te aime 're hâimana za'ra wa'wa, ãmemhã. Duré wa hã ĩhâiba té hawim haré wa tô aima za'ra wa'aba i'rãnho'õmo na 're ĩhâimana, zahadu ãhã bâtâ u hã.

1 Samuéu 16:18

Tawamhã tãma romhuri'wa ma tô ãma 'mazada'â ãne: — Wa hã ĩma waihu'u pese di, 'ri'ahâ Belẽ na isisi ãma Zésé 're isãmra mono 'ra hã. Ta hã rowamreme wẽ 'wai uptabi. Ta hã duré ipahi waihu'u õ, isiptede, duré dasi'wapéi 'manharĩ'wa iwẽ, imreme wẽ, duré ihâiba wẽ. Uburé Danhib'apito hã te duré ime 're hâimana.

1 Samuéu 18:12

Wanhib'apito te Dawihi siré 're hâimana oto. Sauhu si ma tô tirẽ. Tahawa, Sau hã Dawihi ma pahi uptabi di oto.

1 Samuéu 18:14

Tawamhã uburé marĩ hã te te 're ab'manharĩ mono wamhã, ma tô iwẽ na si 're pusi, te te 're i'ab'manharĩ mono da hã. E marĩ wa. Wanhib'apito ime 're hâimana mono wa.

1 Samuéu 18:5

Tawamhã Dawi uburé daza'rui mono bâ Sau te te 're isatõrĩzé mono sidâpâsi, ma tô wẽ na hã 're pusi. Tahawa, Sau hã ma tô oto pisutu, ite dasi'wapéi 'manharĩ'wa norĩ nhib'ihâ'a da hã. Ãne wa, ma tô uburé dasi'wapéi 'manharĩ'wa norĩ ma tirowẽ za'ra, duré ta norĩ 'madâ'â'wa norĩ ma zama.

1 Samuéu 2:21

Tawamhã Uburé Danhib'apito hã ma tô duré pawapto iwẽ na, Ãna hã. Tahawa, ma tô si'ubdatõ i'ra si'aibâ tãma tipoto za'ra, duré maparane pi'õ hã. Tawamhã taha ré ma tô 'watébrémi Samuéu hã oto tiprédu, Uburé Danhib'apito ma, te te 're romhuri mono ré.

1 Samuéu 2:26

Tawamhã 'watébrémi Samuéu hã simiza'rese si'réi mono sidâpâsi ma tô da te dasiwi 're wẽsãmri. Duré Uburé Danhib'apito zama ma tô te te 're wẽsãmri.

1 Samuéu 9:6

Tawamhã romhuri'wa ma tô ãma tãma wa'rã ãne: — A'âza pé. Ã hã 'ri nho'õmo ãma hã te aibâ hã 're sãmra, 'Re ihâimana u'âsi mono ãma si 're imorĩ hã. Ta hã dama iwazéb za'ẽne, uburé marĩ na te te 're inharĩ mono zéb zarina, marĩ hã 're hâimana mono wa. Tahawa, oto itẽme wane na, wa te tãma wasu'u da. Tawamhã ãté ta hã te za wama wasu'u za awaru po'repore sipi'õ norĩ za wa te isõpẽtẽzéb da hã.