1 Samuéu 3:12 - ꞌRe Ihâimana Uꞌâsi Mono Zadawa Wasuꞌu

¹² Taha bâtâ na hã wa hã wa za tãma rob'manha, Erihi ma, uburé i'ra norĩ hâiba na te tãma iropisutuzéb zarina, isãna'rata hawimhã duré i'rãsutu u hã.

1 Samuéu 3:12 ပူးပေါင်းရင်းမြစ်များ

Luca 21:33

Nimahã na te za hâiwa norĩ hã ai'utõrĩ zahuré, ti'ai me. Si'utõrĩ zahuré nherẽ, ĩnhimiroti hã si'utõrĩ õ di za. Pire na te za dama 're hâimana u'âsi.

Zozué 23:15

Ĩhe tô, Uburé Danhib'apito, ate 'Re ihâimana u'âsi mono 'wa hã, uburé marĩ iwẽ na te te aima 're i'aropisutu aba mono zéb zarina, ma tô te te 're ab'manharĩ. Tane nherẽ, a norĩ wa'wa aimawi ihâiba'õ na waihu'u pese newa ãma 're idawata za'ra mono ãma, 're aiwata za'ra wa'aba mono wamhã, duré isõ're tãma 're aiwẽ'ẽ za'ra wa'aba mono wamhã, tawamhã asada 're siti'ru za'ra wa'aba mono wa, te za te te 're aihâ za'ra wa'wa za. E marĩ wa. Ãne hã 're 'manharĩ za'ra wa'aba mono wamhã, te za Uburé Danhib'apito 'Re ihâimana u'âsi mono nhimiroti hã ãma 're uwaimrami za'ra wa'aba mono da, te te i'ru hã asiwi iwamnarĩ 'wa. Tawamhã ã hawi apto'oré hã ti'a iwẽ te te aima isõmri za'ra wa'aba 'remhã 're i'ai'maihâimana aba mono da hã mare di za.

Zuize 4:24

Tawamhã Izaraéu nhihudu norĩ, ma tô apito Zabĩhĩ ma, i'wapé na te te tãma 'rãpẽtẽ u'âsi za'ra, te te siwi i'uprosi pese zéb u.

1 Samuéu 4:11

Tahawa, ma tô filisteu norĩ hã siwi ti'â, 'Re ihâimana u'âsi mono nhimiroti ré wedehâ're 'manharĩ hã. Tawamhã ma tô dame tidâ'â zahuré Erihi 'ra norĩ Hopini norĩ Finéaha me hã.

1 Samuéu 4:17

Tawamhã romreme 'wapéi'wa hã ma tô ãma sada'â, ãne: — Izaraéu nhihudu norĩ hã ma tô tãma sisa're, filisteu norĩ ma. Duré da te wa'ãma i'ai'uté za'ra zé hã wasété uptabi di. Tawamhã ma tô duré ai'ra norĩ hã dazu tidâ'â zahuré, Hopini norĩ hã Finéaha me. Tawamhã filisteu norĩ hã ma tô siwi ti'â, 'Re ihâimana u'âsi mono te, wedehâ're hã.

1 Samuéu 4:21

Tahawa, ma tô ina hã sisi 'watébrémi hã, Icabô na. Ãma isaprĩ hã ãne: “Izaraéu nhihudu norĩ nhipti'ai hawi 'Re ihâimana u'âsi mono nhamrazé iwatobrozém na hã.” Ãne ma tô pi'õ hã tinha, 'Re ihâimana u'âsi mono nhimiroti ré wedehâ're da te dasiwi i'âri na hã duré imaprebaba norĩ hã tiwi idâ'â zahuré na hã imro me.

1 Samuéu 4:22

Tawamhã te pi'õ hã tinha, ãne: — 'Re ihâimana u'âsi mono nhamrazé hã ma tô watobro, Izaraéu nhihudu norĩ nhipti'ai hawimhã. E tihai wa. 'Re ihâimana u'âsi mono nhimiroti ré wedehâ're hã wanhitob'ru norĩ te te siwi âri wa.