1 Samuéu 3:10 - ꞌRe Ihâimana Uꞌâsi Mono Zadawa Wasuꞌu

¹⁰ Tawamhã Uburé Danhib'apito ma tô oto itẽme mo. Tahawa, te oto i'rata za. Tawamhã iwana nasi te te i'mahârâ ne, ma tô duré 'mahâ, ãne: — Samuéu! Samuéu! Tawamhã Samuéu ma sada'â oto ãne: — E marĩ! Asib'a'uwẽ ãhãta wa aiwapa.

1 Samuéu 3:10 ပူးပေါင်းရင်းမြစ်များ

Zozué 5:14

Tawamhã ma te ãne ãma tãma wa'rã: Mare di. Ta hãi õ di wa hã, duré nima niwĩ ĩhâimana õ, wa hã. Uburé Danhib'apito, 'Re ihâimana u'âsi mono te, dasi'wapéi 'manharĩ'wa norĩ 'madâ'â'wa wa hã, wa ãmemhã ĩhâiba. Tawamhã Zozué hi'rãtitõ ma tô tãma nhamra. Ti'ai u ti'ubu na ma tô duré ropto, ãma wata da. Tawamhã te ãne tãma tinha: — Ĩnhib'apito, asimiroti 'remhã wa ĩhâimana. E marĩ, wa za asima iwẽzé hã 'manha.

1 Samuéu 12:2

Tahawa, te oto asib'apito za'ra wa'aba na 're hâimana, te te 're i'ai'madâ'â za'ra wa'aba mono da hã. Tazahã, wa hã wa tô oto ĩhâiba prédu. Wa tô ĩnhi'a. Duré ĩ'ra norĩ hã te aime 're hâimana za'ra wa'wa, ãmemhã. Duré wa hã ĩhâiba té hawim haré wa tô aima za'ra wa'aba i'rãnho'õmo na 're ĩhâimana, zahadu ãhã bâtâ u hã.

1 Samuéu 3:11

Tawamhã te Uburé Danhib'apito hã tãma tinha ãne, Samuéu ma: — Wa hã wa za tãma rob'manharĩ za'ra, marĩ iwasété uptabi na, Izaraéu nhihudu norĩ ma. Tahawa, ãne hã uburé za te tãma irob'manharĩ za'ra zé te te sina wapari za'ra wamhã, te za tãma tipahi pese za'ra.

1 Samuéu 3:15

Tawamhã ãne te te tãma nharĩ pari, ma tô oto nhono Samuéu hã, ãma i'awẽzéb u. Tawamhã ma tô oto udu. Utu wamhã, ma tô duré oto 'ridawa, 'ridawa za'ẽne hã romhâ 'manharĩ na 'ri iwazéb zahi u, 're idanhisisi mono zéb 'ridawa za'ẽne hã. Tawamhã duré pahi di, Erihi ma, te te tãma iwasu'u da hã, sõtõ 'rowim ne marĩ te te i'madâ'âzé hã.

1 Samuéu 3:21

Tawamhã Uburé Danhib'apito ma tô duré Silo u hã nasi itẽme aimasisi, Samuéu u, imorĩ'rata na tãma isihâi'rézéb u, duré te te tãma inharĩzéb u. Tahawa, ma tô uburé Izaraéu nhihudu norĩ hã Samuéu mreme hã te te siwi 're wazé pese.

1 Samuéu 3:8

Tawamhã Uburé Danhib'apito te duré 'mahâ, Samuéu hã si'ubdatõ ãmamhã. Tahawa, ma tô duré udu wara sina. Tawamhã ma tô mo duré, Erihi za'warizéb u hã. Tahawa, te duré sadanha, ãne: — Ĩnhib'apito, e te ĩ'mahâ. Ĩ'mahârâ wamhã, ãhãta wa za, ai'rata. Tawamhã Eri ma tô oto waihu'u, Uburé Danhib'apito te te nasi i'mahârâ na hã, Samuéu hã.

1 Samuéu 3:9

Tahawa, te ãne tãma tinha: — Apâ te za aimo asimiwaptâ u. Te te duré ai'mahârâ na sahu wamhã, ãne sada'âbâ za: “E marĩ, Uburé Danhib'apito. Asib'a'uwẽ, ãhãta wa aiwapa.” Ãne ma tô Eri hã ãma tãma asanho, za te te tãma ãma iwa'rãmizém na hã. Taha pari, ma tô oto mo apâ, Samuéu hã tinhimiwaptâ u.