1 Samuéu 29:8 - ꞌRe Ihâimana Uꞌâsi Mono Zadawa Wasuꞌu

⁸ Tawamhã Dawi ma tô ãma sada'â ãne: — E marĩ te 'manharĩ bâ. Niwamhã a hã ĩzô irobaba na hã asimrami õ di, romhurizém na te aima isãna'ratazé bâtâ hawim haré. Ĩnhib'ihâ'a, duré ĩnhib'apito, ãne nherẽ, e marĩ wa bété, aime ĩmorĩ õ di za, asitob'ru norĩ te i'a'wapé da hã.

1 Samuéu 29:8 ပူးပေါင်းရင်းမြစ်များ

Mateu 6:13

Duré, 're wa'ab'madâ'â nhimini mono õ di za, Wa'uburé hã te te 're wa'a'upi mono wa, wawasété u 're warere'e tõ mono da. Ma'ãpé, 're wa'anho'reptui u'âsi mono, iwasété uptabi wi.”

1 Samuéu 12:3

Ãhãta wa hã wa ĩhâiba. Marĩ na te upai wamhã, ma'ãpé ĩwasédé hã asiwi ĩ'ãma hiri aba ãhã na awa'awi na Uburé Danhib'apito nho'a, duré apito da, te te ipisutu nho'a. E niwamhã wa tô powawẽ hã dawi 'mai'â, niha wamhã, awaru po'repore hã. E niwamhã wa tô duré dama sadawa hapese. E niwamhã wa tô dazada 're ĩhâimana. E niwamhã wa tô duré rob'uiprazé hã te 're awaibu pi'uriwi, iwa'rãmi te dama 're i'arowairébé mono wẽ da hã. Ãne hã pé wa hã te 'manharĩ wamhã, wa za apâ sõmri za'ra, itede'wa norĩ ma hã.

1 Samuéu 17:29

Tawamhã Dawi ma ãma tãma wa'rã ãne: — E marĩ te 'manharĩ bâ, ãhã na hã. E niha wa za bété ĩnhinharĩ ãna ĩhâiba, marĩ te waihu'u ãna, ĩhâimana da hã.

1 Samuéu 20:8

Ãne wa aiwi waptẽ, 'Re ihâimana u'âsi mono nhisi na ropisudu iwazéb zahi, te te ĩma i'manharĩzéb zarina, ĩma ãma uwaimrami da. Tane nherẽ, tô wa hã marĩ na te upai wamhã, a hã te za pé tô ĩwĩ, aimama hã te te ĩma rob'manharĩ tõ da pé.

1 Samuéu 26:18

Te duré tãma tinha ãne: — E marĩ da, te bété asib'a'uwẽ nherẽ, we ĩzarina aimorĩ na hã i'uzusi mo. E marĩ te 'manharĩ bâ, iwasédé hã.

1 Samuéu 27:10

ma tô Aqui hã te te 're sadanharĩ ãne: — E ma hã ma tô i'a'wapé ã bâtâ na hã. Tawamhã Dawi hã ma tô te te ãma 're sada'âbâ Zuda ti'a niwĩ hâiwa nhimi'e niwĩmhã ro 're ihâimana mono ãma te te 're ida'a'wapéi mono na hã, niha wamhã zerameu na a'uwẽ wamri norĩ ãma hã, niha wamhã duré queneu norĩ nhipti'ai ãma hã.

1 Samuéu 28:2

Tawamhã Dawi ma ãma sada'â ãne: — Marĩ õ di, wẽ di. Ãhãta wa hã wa ãme ĩhâiba, te i'aipawaptob da hã. Tahawa, te za i'madâ, za marĩ te i'manharĩzé iwaihu'u'õ hã. Tahawa, ma ãne Aqui hã ãma saze: — Wẽ di tô. Tawamhã te duré tãma tinha ãne: — A hã te za duré ĩ'madâ'â'wa na õne u'â ĩma 're aihâimana mo.

1 Samuéu 29:7

Tahawa, rowẽ na apâ aimorĩ za 'ri'ahâ u hã, marĩ hã 'manharĩ ãna, filisteu norĩ te i'rãnho'õmo norĩ hã, te te siwi aiwẽ'õ za'ra tõ da.