1 Samuéu 29:4 - ꞌRe Ihâimana Uꞌâsi Mono Zadawa Wasuꞌu

⁴ Tane nherẽ, ãne te te tãma wasu'u za'ra wa, ma tô filisteu norĩ te dawada'uri'wa norĩ hã sada tizahi za'ra, Aquihi da hã. Tahawa, te ãne tãma nharĩ za'ra: — Ã hã aibâ apâ morĩ da te za isatõ za, 'ri'ahâ tãma isõmri u apâ morĩ da hã. Tãma rowairébé õ di za, dasi'wapéi u wame isébré za'ra da hã, wazada za'ra sipi'rai õ'umnhasite, dasi'wapéi ré hã. Tãma iwẽ hã tô aré, wate aibâ norĩ te te isimrozéb zarina, isib'ihâ'a te te iwẽsãmri da hã.

1 Samuéu 29:4 ပူးပေါင်းရင်းမြစ်များ

Ezodu 1:10

Wanhitob'ru norĩ, niwamhã te te wazahui wamhã, ãté Izaraéu nhihudu norĩ zama te za wazada dasiré si'rã'õtõ. Tawamhã te te wa'wapé za'ra parimhã, ãté te za duré wate ti'ai wa'õtõ nho'õmo hawimhã wairé. Taha õ'umnhasite, wa za niha na hã tãma rob'manharĩ za'ra ni, waptu na sina hâ'â pese tõ da.

Luca 16:8

— Te te dama i'rui wasu'u, te te wapari wamhã, te tinha, isib'apito hã: “Pra. E niha rosa'rada tãma iwaihu'u pe.” Ãne te isa'u tãma tinha. — Ãne Zezusi te tãma rowasu'u za'ra, tisiré 're inomro mono norĩ ma. Ma tô duré tãma waihu'u za'ra, ãne: — Marĩ zô si, da te 're irosa'rata za'ra mono norĩ ma, waihu'u pese di, rosa'rada hã, rowa'a nhib'a'uwẽ norĩ nhipai u.

1 Samuéu 14:21

Tawamhã ni'wam norĩ hebreu norĩ siré hã filisteu niwĩ aré te te isaprĩ za'ra hã, duré filisteu norĩ te te sima i'ri nhoré za'ra zéb u isi'aba'ré hã ma tô oto apâ saprĩ za'ra, Sauhu niwĩ duré Zonataha niwĩ hâimana za'ra da.

1 Samuéu 27:6

Tawamhã Aqui hã ma tô tãma tisõ, 'ri'ahâ Zicradi na isisi hã, Dawihi ma. Tawamhã tahawim haré ãhã na zama Zicradi, Zudaha nhihudu norĩ nhib'apito te hã.

1 Samuéu 29:9

Tawamhã ma tô duré Aqui hã ãma sada'â ãne: — Wa hã tô tane hã ĩma waihu'u pese di, asimi'manharĩzé mono hã. A hã ĩma ai'umnhasi uptabi di, hâiwa ãma 'Re ihâimana u'âsi mono ma romhuri'wa ne hã. Tane nherẽ, dama i'rãnho'õmo norĩ hã ma tô nharĩ za'ra, wame aimorĩ za'ra tõ da, dasi'wapéi u hã.

1 Samuéu 30:1

Tawamhã maparane bâdâ ãma neb za'ra pari, ma tô Dawi norĩ hã 'ri'ahâ Zicradi na ite za'ra nhisi u hã aihutu. Dawi hã 'ri'ahâ nhiti 're hâimana mono ré, ma tô amalequita norĩ, Zuda u hã asisi, hâiwa nhimi'e niwĩmhã. Tahawa, ma tô 'ri'ahâ Zicradi ãma, 're idahâimana za'ra mono norĩ hã 'wapé za'ra. Tawamhã ma tô 'ri'ahâ ãma hã te te sazu za'ra.