1 Samuéu 29:11 - ꞌRe Ihâimana Uꞌâsi Mono Zadawa Wasuꞌu

¹¹ Tawamhã ãne ma tô Dawi tisiré aibâ norĩ me hã ti'utu za'ra mararé uptabi, si'aba'ré da apâ, Filistéa na 'ri'ahâ nhisi u. Tahawa, filisteu norĩ hã ma tô ai'aba'ré, Zezereu u.

1 Samuéu 29:11 ပူးပေါင်းရင်းမြစ်များ

1 Samuéu 25:43

Dawi hã ma tô aré timro, Aino'ã na isisi ãma hã, 'ri'ahâ Zezereu na isa'ru nhisi hawim na. Tawamhã ma tô duré Abigaiuhu ãmab zama timro.

1 Samuéu 29:1

Tawamhã uburé filisteu dasi'wapéi 'manharĩ'wa norĩ hã ma tô si'rã'õtõ, Afeca na 'ri nho'õmo nhisi ãma. Taha ré, Izaraéu nhihudu norĩ hã ma tô sima 'ri nhoré za'ra, Zezereu na ẽtẽ siwa'aba nhisi ãma, u siromo 'rata.

1 Samuéu 29:10

Tahawa, awẽmhã te za duréi uptabi ai'utu za'ra wa'wa, Sau te te irẽme za'ra norĩ me ã hawi ai'aba'réi wa'aba da.

1 Samuéu 30:1

Tawamhã maparane bâdâ ãma neb za'ra pari, ma tô Dawi norĩ hã 'ri'ahâ Zicradi na ite za'ra nhisi u hã aihutu. Dawi hã 'ri'ahâ nhiti 're hâimana mono ré, ma tô amalequita norĩ, Zuda u hã asisi, hâiwa nhimi'e niwĩmhã. Tahawa, ma tô 'ri'ahâ Zicradi ãma, 're idahâimana za'ra mono norĩ hã 'wapé za'ra. Tawamhã ma tô 'ri'ahâ ãma hã te te sazu za'ra.