1 Samuéu 29:10 - ꞌRe Ihâimana Uꞌâsi Mono Zadawa Wasuꞌu

¹⁰ Tahawa, awẽmhã te za duréi uptabi ai'utu za'ra wa'wa, Sau te te irẽme za'ra norĩ me ã hawi ai'aba'réi wa'aba da.

1 Samuéu 29:10 ပူးပေါင်းရင်းမြစ်များ

Zenezi 22:14

Tawamhã Abra'ã taha ẽne hã ma tô sisi, “Uburé Danhib'apito, te za marĩ ibâ na te te dama 're anhomri u'âsi”. Tahawa te ta hawim haré da te ãma 're romnhisi za'ra, ãne: “Uburé Danhib'apito, tite ẽtẽ ãma marĩ ibâ na te te dama 're i'anhomri u'âsi mono” na.

1 Corĩtu 10:13

Tô sena, asiptete sina ãma 're anomro u'âsi aba mono zô, 'Re ihâimana u'âsi mono hã te te 're aipibu za'ra wa'aba mono wamhã, aimawi na te te 're aipibu za'ra wa'aba mono õ di za, ipire uptabi na hã. Tô õhõ na si te te 're ida'apibui mono zém na si, te za tô te te 're aipibu za'ra wa'wa. 'Re ihâimana u'âsi mono hã uburé wama umnhasi za'ra di, marĩ na uburé te te wama 're i'aropisutu mono zém na hã. E tawamhã, asiptetezém nhipai u, te za ipire uptabi na te te aipibu na 're sahu za'ra wa'wa, aiwasété u apâ tiwi 're airere'e aba mono da. Mare di. Tô sena, asiptete sina ãma 're anomro u'âsi aba mono zô, te te 're aipibu za'ra wa'aba mono wamhã, te za niha te te aima 're pisutu za'ra wa'wa, rowẽ ré ihawi 're aiwairébé aba mono zéb da hã, õne haré asiptete sina ãma 're anomro u'âsi aba mono da.

2 Pedru 2:9

'Re ihâimana u'âsi mono ma, waihu'u pese di, Lo hã te te isõ'reptuzéb da hã. Tane duré, Wanhib'apito ma waihu'u pese di, ro'wa'rutu hawi te te 're i'anho'reptui mono zéb da hã, isimiroti 'madâ'â pese 'wa norĩ hã. Duré tãma waihu'u pese di, te te 're ida'ahâ za'ra mono zéb da hã, 're idanomro wasété mono norĩ hã, bâdâ iwa iwaptã'ãzéb u hã, dahâimanazém na te te ida'awaihu'uzéb da hã. Tawapsi te za dahâimanazéb zarina te te dama 're arowairébé, rob'rãsutuzéb ãma.

1 Samuéu 29:11

Tawamhã ãne ma tô Dawi tisiré aibâ norĩ me hã ti'utu za'ra mararé uptabi, si'aba'ré da apâ, Filistéa na 'ri'ahâ nhisi u. Tahawa, filisteu norĩ hã ma tô ai'aba'ré, Zezereu u.