1 Samuéu 28:6 - ꞌRe Ihâimana Uꞌâsi Mono Zadawa Wasuꞌu

⁶ Tahawa, te Uburé Danhib'apito hã sadanha ãne: — Ĩnhib'apito, e marĩ, wa za 'manha. Tane nherẽ, 'Re ihâimana u'âsi mono hã te te ãma sada'âbâ õ di, sõtõ 'rowim na hã duré ẽne Urĩ na hã duré 'Re ihâimana u'âsi mono zadawa 'mahârâ'wa norĩ nhimirowasu'u na hã.

1 Samuéu 28:6 ပူးပေါင်းရင်းမြစ်များ

Provébiu 27:1

Asi'madâ'â ze zéb zarina, za awẽb da, asima irowa'õtõzé hã dama wasu'u tõ. E marĩ wa. Aima waihu'u õ wa, awẽm na za marĩ asô iwatobrozé hã.

Zuéu 2:28

Uburé Danhib'apito te tinha ãne, tinhib'a'uwẽ norĩ ma: “Ãhã parimhã, wa hã wa za ãma ropé Ĩpẽ'ẽzani na, uburé pese dama. Ai'ra si'aibâ norĩ hã duré ai'ra sipi'õ norĩ hã te za te te dama 're ĩzadawa wasu'u za'ra. Duré ihi norĩ hã te za te te 're rosawẽrẽ za'ra. Ipréduptém norĩ hã te za duré marĩ hã sõ'awi te te 're 'madâ'â za'ra, sõtõ 'rowim ne.

Mateu 1:20

Tawamhã ãne na te te sima rosa'rata wamhã, ma tô hâiwa hawi Wanhib'apito ma romhuri'wa hã tãma sihâi'ré, sõtõ 'rowim na. Ãne te taha wamhã tãma tinha: — Zuzé, Dawihi nhihudu, asina aihâtâ'â tõ, Mariaha ãma aimro tõ da hã. Ta hã ma tô tiwasã, 'Re ihâimana u'âsi mono pẽ'ẽzani na.

Zuwã 9:31

Ni'wa hã 're morĩ wasété wamhã, imreme te te 're wapari mono õ di za, te te tãma ãma 're a'uwaimrami mono da, 'Re ihâimana u'âsi mono hã. Ni'wa hã isimiroti te te 're 'madâ'â pese mono wamhã, te za imreme hã te te 're wapari u'âsi, te te tãma ãma 're uwaimrami u'âsi mono da. Ãne wama waihu'u pese za'ra di, wa norĩ hã.

Tiagu 4:3

Ãté te za asima si tiwi 're irowaptẽrẽ za'ra wa'aba mo. Tane nherẽ, asimirosa'rata wasété zarina, tiwi 're rowaptẽrẽ za'ra wa'aba mono wamhã, te te aima 're sõmri za'ra wa'aba mono õ di za.

1 Samuéu 14:37

Tawamhã Sau, 'Re ihâimana u'âsi mono hã ma te a'â sadawa pibu ãne: — E filisteu norĩ zô wa za wazahutu za'ra, wa te susi za'ra da hã. E te za duré a hã ihâiba nhomri za'ra, Izaraéu nhihudu norĩ te te ãma ai'uté za'ra da hã. Tane nherẽ, tô taha bâtâ na te te ãma sada'âbâ õ di, 'Re ihâimana u'âsi mono hã.

1 Samuéu 28:15

Tahawa, te Samuéu hã Sauhu ma tinha ãne: — E marĩ da, ma tô ĩzô irowasu. E marĩ da, ma tô ãne hã ĩma i'manha, apâ we ĩmorĩ da hã. Tawamhã Sau ma ãma tãma wa'rã ãne: — Ĩma ropire uptabi di ãhã na hã, filisteu norĩ hã te te siwi ĩ'wapéi u'âsi mono wa. Duré 'Re ihâimana u'âsi mono hã ma tô ĩma ai'ré, ĩme hâimana tõ da hã. Tahawa, marĩ na te te ĩzada'âbâ õ di, isadawa 'mahârâ'wa nhimirowasu'u na hã, duré ĩnhotõ 'rowim na hã. Tahawa, ãme ĩma rowasu'u da hã wa asô hâ, za marĩ te i'manharĩ da na hã.

1 Samuéu 28:5

Tawamhã Sau hã dasi'wapéi 'manharĩ'wa filisteu norĩ hã te te 'madâ'â za'ra wamhã, ma tô tãma tipahi pese za'ra.