1 Samuéu 28:3 - ꞌRe Ihâimana Uꞌâsi Mono Zadawa Wasuꞌu

³ Tawamhã Samuéu dâ'â wamhã, ma tô uburé Izaraéu nhihudu norĩ hã sô ti'ru'ru. Ma tô duré ãma siwi ti'a, 'ri'ahâ Rama na isisi wa, ipotozéb ãma. Tawamhã Sau hã ma tô uburé adâ'â zadaihu'u'wa norĩ hã, satõrĩ za'ra Izaraéu nhihudu norĩ nhipti'ai hawimhã.

1 Samuéu 28:3 ပူးပေါင်းရင်းမြစ်များ

1 Samuéu 15:23

Wanhib'apito wi tiwi 're idasipizari za'ra mono hã pire uptabi di, aiwa simi'â na da te 're iromhuri za'ra mono ne. Duré 'râwi 're idasi'madâ'â ze za'ra mono hã tô dawasédé, romhâibarĩ na 're idawata za'ra mono zém ne. Tahawa, ma tô Wanhib'apito siwi aiwẽ'õ. E marĩ wa. Aima isimirotizé hã, asiwi wẽ'õ wa, a hã.

1 Samuéu 25:1

Tawamhã Samuéu hã ma tô dârâ. Dâ'â wamhã, ma tô uburé Izaraéu nhihudu norĩ hã itẽme si'rã'õtõ, ãma 'ru'ru da hã. Tawamhã ma tô ãma siwi ti'a, Rama ãma 're ihâimana mono zéb ãma. Tawamhã Samuéu ãma te te siwi ti'ai pari, ma tô Dawi hã mo, Parã na rop si 're irosa'wari mono nhisi u.

1 Samuéu 28:9

Tawamhã pi'õ, ma Sauhu ma ãma tãma wa'rã, ãne: — Tô sena aima waihu'u pese di, apito Sau marĩ te te i'manharĩzé hã: Ta hã ma tô Izaraéu nhihudu norĩ nhipti'ai hawi satõrĩ za'ra, dazadaihu'u'wa norĩ hã. E tiha da, ma tô danhimimramizém na ĩ'âri pibu da hã irosa'ra, apito zadawa para da te dasiwi ĩwĩrĩ da.

1 Samuéu 7:17

Taha pari, ma tô apâ 're ne, 'rinho'u Rama ãma tinhorõwa u hã, duré tameb zama da'ãma rowairébé'wa na 're hâimana mono wa, Izaraéu nhihudu norĩ ma. Tawamhã Rama ãma ma tô Samuéu hã 'manha, Uburé Danhib'apito ma, danhoprubzé zatazé wedeza 'manharĩ hã.