1 Samuéu 28:21 - ꞌRe Ihâimana Uꞌâsi Mono Zadawa Wasuꞌu

²¹ Tawamhã ma tô pi'õ hã 'râwi itẽme wi. Tahawa, ipahizém na ma tô 'madâ. Tahawa, te ãne tãma tinha: — Wa hã te ĩsima romnhimimnhasi nherẽ, wa tô ĩwi iwaptẽrẽzé hã 'manha tô.

1 Samuéu 28:21 ပူးပေါင်းရင်းမြစ်များ

Zuize 12:3

Tahawa wa hã asiwi ĩpawaptob za'ra wa'aba õ zém na, te ai'madâ'â za'ra wa'aba wa, wa tô te ĩsima romnhimimnhasi nherẽ hã mo tô, ta norĩ te a'wapé da hã. Tawamhã ãne nherẽ, ma tô Uburé Danhib'apito ĩma tisõ tô, te da'ãma i'ai'utézé hã. Ãne nherẽ, e marĩ da, te we bété ĩzô ai'aba'réi wa'wa, asiwi ĩ'wapéi wa'aba da, ãhã na hã.

1 Samuéu 19:5

Õ hã sĩrĩtĩ zawi õ di. Gulia simimnhasi nherẽ, ma tô tiwĩ. Tahawa, Wanhib'apito 'Re ihâimana u'âsi mono nhisi na ma tô ãma ai'uté, Izaraéu nhihudu norĩ te te anho'reptu da hã. Duré te te ãma ai'uté ré hã a hã ma tô asi'uihâ na i'madâ. Tahawa, aima rowẽ di. Ĩmama, e marĩ wa, te za bété ãne nherẽ, iwasédé hã tãma i'manha. E marĩ te te 'manharĩ bâ te za Dawi hã iwĩ.

1 Samuéu 28:20

Tawamhã ãne te te tãma waihu'u wi, ma tô Sau hã hâiba wahu na dumana na tô õme ti'ai u hã waptãrã, Samuéu te te tãma inharĩzé ma, pahi uptabi wa. Sib'uwa uptabi di, marĩ te te 'rẽne õ wa, ã bâtâ wahuré na hã, duré ã mara wahuré na zama.

1 Samuéu 28:22

Tahawa, ma'ãpé ĩmreme hã wapari, te aiwi iwaptẽrẽzé hã. Ma'ãpé duré asima wẽ na dasa hã suru na te we aima i'âri da hã, ãma ai'upari da, taha pari duré asiptete sina apâ aimorĩ da.