1 Samuéu 28:2 - ꞌRe Ihâimana Uꞌâsi Mono Zadawa Wasuꞌu

² Tawamhã Dawi ma ãma sada'â ãne: — Marĩ õ di, wẽ di. Ãhãta wa hã wa ãme ĩhâiba, te i'aipawaptob da hã. Tahawa, te za i'madâ, za marĩ te i'manharĩzé iwaihu'u'õ hã. Tahawa, ma ãne Aqui hã ãma saze: — Wẽ di tô. Tawamhã te duré tãma tinha ãne: — A hã te za duré ĩ'madâ'â'wa na õne u'â ĩma 're aihâimana mo.

1 Samuéu 28:2 ပူးပေါင်းရင်းမြစ်များ

Roma 12:9

Taré asimizawizé hã aima 're hâimana za'ra wa'aba mono tõ da, te za tô sena na asimizawi pese zé hã aima 're hâimana u'âsi za'ra wa'wa. Uburé marĩ wasété nhiti, te za 're aihâimana za'ra wa'aba mo, asiwi 're wẽ'õ pese za'ra wa'aba mono sina. Uburé aihâimanazé iwẽ na si te za oto 're aihâimana za'ra wa'aba mo.

1 Samuéu 1:22

Tane nherẽ, Ãna hã ime morĩ za'ra õ di. Tahawa, te ãne tãma tinha, timro Eucanahã ma: — Ĩhâ te te rẽme wapsi, wa za subza, Uburé Danhib'apito nhorõwa u hã, õmem haré oto 're hâimana u'âsi mono da.

1 Samuéu 1:28

Tahawa, ãhã na awa'awi na hã wa hã wa za apâ tãma tisõ, Uburé Danhib'apito ma, ite da, ã hã 'watébrémi hã. Duré ti'ai ãma 're hâimana mono ré hã, ite hã za tô. Tawamhã tame ma tô oto ãma tiwata za'ra, 'Re ihâimana u'âsi mono ãma hã, imama norĩ hã.

1 Samuéu 27:10

ma tô Aqui hã te te 're sadanharĩ ãne: — E ma hã ma tô i'a'wapé ã bâtâ na hã. Tawamhã Dawi hã ma tô te te ãma 're sada'âbâ Zuda ti'a niwĩ hâiwa nhimi'e niwĩmhã ro 're ihâimana mono ãma te te 're ida'a'wapéi mono na hã, niha wamhã zerameu na a'uwẽ wamri norĩ ãma hã, niha wamhã duré queneu norĩ nhipti'ai ãma hã.

1 Samuéu 29:2

Tawamhã 5 na dama i'rãnho'õmo norĩ filisteu hã ma tô te te ropãrĩ za'ra mono sina, sisõré pese na ai'aba'ré tite dasi'wapéi 'manharĩ'wa norĩ ré, nima norĩ 100 na ãma sima isipo'o za'ra ré, duré nima norĩ miu na ãma sima isipo'o za'ra ré. Tahawa, Dawi tite aibâ norĩ ré ma tô isa'u za'ra mo, te te ropãrĩ za'ra mono sina, sisõré pese na, Aqui na isisi siré.