1 Samuéu 28:19 - ꞌRe Ihâimana Uꞌâsi Mono Zadawa Wasuꞌu

¹⁹ Tahawa, te za a hã, Izaraéu nhihudu norĩ me, filisteu norĩ ma hã aihâiba nhomri za'ra wa'wa. Duré awẽmhã te za a hã ai'ra norĩ ré hã ĩsiré aihâiba. Tawamhã Izaraéu nhihudu norĩ te dasi'wapéi 'manharĩ'wa norĩ hã, te za hâiba nhomri za'ra filisteu norĩ ma hã.

1 Samuéu 28:19 ပူးပေါင်းရင်းမြစ်များ

Ezodu 9:18

Tahawa, awẽmhã mararé ãne bâtâ na wa za tãzâ isiptede ta'a da hã 'manha, niwa Ezitu 're iwatobro na iwasu'u hã ihâimana õ na.

Mateu 26:24

Ti'ai ãma Dasiré Ipodo hã duréihã ma tô idâ'âzém na rob'ui'éré siromo za'ra, 'Re ihâimana u'âsi mono zadawa 'mahârâ'wa norĩ hã. Ta norĩ hã te te ãma irob'ui'éré za'ra zéb zarina te za ãma mo tô, tidâ'âzéb u. Tane nherẽ, aibâ ma, tãma 're ropipa uptabi mono di za, za te te dama ihâiba nhomri'wa da ma hã. 'Re ihâimana u'âsi mono za te te azâri wamhã, te za sima rosa'rata, ãne: “Ĩpoto õ 'wa'âhã, aré wẽ di. E marĩ wa. Ãne na te 're robzépata mono õ wa aré.” Ãne te za 'râwi si'ãma rosa'rata, za dama ihâiba nhomri'wa hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 5:5

Tawamhã Pedruhu mreme te te wapari wi, ma tô waptãrã ti'ai wa, Anania hã. Waptã'ã wamhã, ma tô dârâ. Tawamhã ipréduptém norĩ hã ma tô sô tiwahutu za'ra, te te siwi ubu da hã. Taha pari, ma tô duré oto siwi ti'â, te te siwi sẽrẽ da. Tawamhã taha wasu'u hã da te wapari za'ra wamhã, aihĩni pese ma tô tãma tapẽ'ẽwara za'ra ni.

1 Samuéu 12:25

Tane nherẽ, marĩ 'manharĩ wasété na ãma 're uzusi za'ra wa'aba mono wamhã, te za tô ai'utõrĩ 'wa, asib'apito siré.

1 Samuéu 28:20

Tawamhã ãne te te tãma waihu'u wi, ma tô Sau hã hâiba wahu na dumana na tô õme ti'ai u hã waptãrã, Samuéu te te tãma inharĩzé ma, pahi uptabi wa. Sib'uwa uptabi di, marĩ te te 'rẽne õ wa, ã bâtâ wahuré na hã, duré ã mara wahuré na zama.